LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال

پانی انسانیت کی رگِ حیات ہے، بھارتی آبی جارحیت علاقائی امن کے لیے خطرہ: بلاول بھٹو زرداری کا عالمی یومِ آب پر پیغام

Web Desk

22 March 2026

اسلام آباد: چیئرمین پاکستان پیپلز پارٹی بلاول بھٹو زرداری نے ‘عالمی یومِ آب’ کے موقع پر اپنے خصوصی پیغام میں آبی وسائل کے تحفظ کے لیے فوری اور اجتماعی اقدامات کی ضرورت پر زور دیا ہے۔ انہوں نے پانی کو کرۂ ارض کی “رگِ حیات” قرار دیتے ہوئے کہا کہ اس قیمتی اثاثے کا تحفظ نہ صرف ماحولیاتی تقاضا ہے بلکہ ہماری اخلاقی ذمہ داری بھی ہے تاکہ آنے والی نسلوں کو صاف پانی کی منصفانہ رسائی حاصل ہو سکے۔

بلاول بھٹو زرداری نے سندھ طاس معاہدے سے متعلق بھارت کے یکطرفہ اقدامات کی سخت مذمت کرتے ہوئے واضح کیا کہ اس تاریخی معاہدے کو معطل یا کمزور کرنے کی کوئی بھی کوشش بین الاقوامی قوانین کی کھلی خلاف ورزی ہے۔ انہوں نے کہا کہ بھارت کی جانب سے پاکستانی دریاؤں کا قدرتی بہاؤ روکنے اور نئے ڈیمز کی تعمیر کی کوششیں پانی کو بطور ہتھیار استعمال کرنے کے مترادف ہیں، جو کہ ایک انتہائی غیر ذمہ دارانہ عمل ہے۔

چیئرمین پی پی پی نے عالمی برادری سے مطالبہ کیا کہ وہ بھارتی اقدامات کا فوری نوٹس لے اور بین الاقوامی معاہدوں کے احترام کو یقینی بنائے۔ انہوں نے امید ظاہر کی کہ عالمی یومِ آب اقوامِ عالم کو تنازعات کے بجائے مکالمے کی ترغیب دے گا تاکہ ایک پائیدار اور محفوظ مستقبل کی بنیاد رکھی جا سکے۔ بلاول بھٹو نے ہر شہری کے لیے صاف پانی تک مساوی رسائی کو یقینی بنانے کے لیے پائیدار طرزِ عمل اپنانے کی ضرورت پر بھی زور دیا۔