وزیراعظم بتائیں عمران خان سے ملاقات کیوں نہیں ہورہی؟ خدا کے لیے فوج کے نام پر سیاست بند کریں؛بیرسٹر گوہر
Web Desk
13 June 2026
اسلام آباد: پاکستان تحریکِ انصاف (PTI) کے چیئرمین بیرسٹر گوہر علی خان نے قومی اسمبلی کے بجٹ اجلاس میں سخت اور جذباتی خطاب کرتے ہوئے حکومت سے بانی پی ٹی آئی عمران خان تک فوری رسائی فراہم کرنے کا مطالبہ کیا ہے۔ انہوں نے ایوان میں واضح کیا کہ ملک میں جب تک سیاسی استحکام نہیں لایا جائے گا، تب تک معاشی بحالی کا کوئی بھی خواب پورا نہیں ہو سکتا۔
قومی اسمبلی کے جاری اجلاس میں اپوزیشن لیڈر اور چیئرمین پی ٹی آئی کے خطاب
“فوج کے نام پر سیاست بند کی جائے”
بیرسٹر گوہر نے وفاق اور حکومت کی سیاسی حکمتِ عملی پر کڑی تنقید کرتے ہوئے کہا: “یہ ملک ہمارا ہے اور ہم اسی مٹی کے بیٹے ہیں۔ میں نے پہلے بھی اس ایوان میں اپیل کی تھی اور آج پھر کہتا ہوں کہ خدا کے لیے افواجِ پاکستان کے نام پر سیاست کرنا بند کریں”۔
یکساں سلوک کا مطالبہ: انہوں نے شکوہ کیا کہ پی ٹی آئی کے جائز اراکین کو مختلف بہانوں سے نااہل کیا گیا، ہم اب اس ناانصافی کا شکوہ کس سے کریں؟ ریاست کو ہمارے ساتھ بھی یکساں اور برابری کا سلوک روا رکھنا چاہیے۔اپنے خطاب کے دوران چیئرمین پی ٹی آئی نے عمران خان کی جیل میں ملاقاتوں پر عائد مبینہ سیکیورٹی پابندیوں کو آڑے ہاتھوں لیا”بیرسٹر گوہر کا کہنا تھا کہ گزشتہ سال اکتوبر کے بعد سے پارٹی قیادت اور وکلا کی ملک کے مقبول ترین لیڈر عمران خان سے باقاعدہ ملاقات نہیں ہونے دی جا رہی۔ حکومت کو ایوان کے سامنے جواب دینا ہوگا کہ یہ ملاقاتیں کیوں روکی گئی ہیں؟” انہوں نے حکومتی رویے کو نشانہ بناتے ہوئے کہا کہ حکومت کا حال یہ ہے کہ “منہ پہ رام رام اور بغل میں چھری” والی بات ہے۔ ایک طرف مذاکرات کا راگ الاپا جاتا ہے اور دوسری طرف ہماری قیادت کو بنیادی حقوق سے محروم رکھا جا رہا ہے، ہمیں آج ہی اپنے قائد تک قانونی رسائی چاہیے۔
“وزیراعظم نے کہا تھا پوچھ کے بتاؤں گا”
بیرسٹر گوہر نے وزیراعظم شہباز شریف کے مذاکرات اور میثاقِ معیشت کے بیانات کا جواب دیتے ہوئے ایک سابقہ واقعے کا حوالہ دیاانہوں نے انکشاف کیا کہ: “میں نے پہلے بھی اس اہم ترین معاملے پر خود وزیراعظم صاحب سے براہِ راست بات کی تھی، لیکن وزیراعظم نے آخری بار مجھ سے کہا تھا کہ ‘میں پوچھ کر بتاؤں گا’”۔ بیرسٹر گوہر نے اسپیکر کے مائیک پر وزیراعظم کی نشست کی طرف اشارہ کرتے ہوئے سوال اٹھایا کہ اگر اب کوئی جواب آیا ہے تو ایوان کو اور ہمیں بتایا جائے۔ انہوں نے اپنے خطاب کے آخر میں خبردار کیا کہ اپوزیشن پر کی جانے والی یہ سیاسی سختیاں اور انتقامی کارروائیاں فوری ختم کی جائیں، کیونکہ ان ہتھکنڈوں کو ختم کیے بغیر ملک کسی صورت آگے نہیں بڑھ سکتا۔
متعلقہ عنوانات
الاسکا میں ڈیموکریٹس نے سینیٹ کی ایک اور نشست چھین لی، میری پیلٹولا کامیاب
18 November 2026
پاکستان اور چین کا قانون نافذ کرنے والے اداروں میں معاونت بڑھانے پر اتفاق
18 November 2026
بنگلہ دیش کے ساتھ اپنے تعلقات کو مزید مستحکم بنانے کیلئے پرعزم ہیں: اسحاق ڈار
18 November 2026
ایرانی فوج کی کویت میں امریکی پیٹریاٹ دفاعی نظام پر ڈرون حملوں کی تصدیق
18 November 2026
امریکی وزیر خارجہ نے ایران کے ڈرٹی بم حملے کی اطلاعات مسترد کر دیں
18 November 2026
اے سی سی ایشیا کپ رائزنگ سٹارز ٹرافی کی رونمائی کر دی گئی
18 November 2026
بچوں کے استحصال میں ملوث افراد کیلئے نیا ایکٹ لائیں گے: مریم نواز
18 November 2026
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026