LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سندھ، بلوچستان اور جنوبی پنجاب میں اگلے 3 ماہ خشک سالی کا خدشہ: سندھ حکومت کا بڑا فیصلہ؛ نوجوان گھر بیٹھے ڈالر کمائیں حوثی ملیشیا کے حملے ناقابل قبول، سعودی عرب کے ساتھ کھڑے ہیں: وزیراعظم پی سی بی نے نئے سینٹرل کنٹریکٹس کا اعلان کر دیا 190 ملین پاؤنڈز کیس:عمران خان اور بشریٰ بی بی کی اپیلیں سماعت کیلیے مقرر ذہنی معذوری کے شکار شخص کا مقدمہ قابل سماعت قرار، عدالت نے درخواست مسترد کر دی ملک بھر کے بجلی صارفین پر ایڈجسٹمنٹس کا بھاری بوجھ منتقل کیے جانے کا خدشہ ای سی سی نے مزید 4 لاکھ ٹن چینی برآمد کرنے کی منظوری دے دی آلائی کے علاقے بلیجہ میں اراضی کے تنازعے پر فائرنگ، 7 افراد جاں بحق، 10 زخمی امریکی ایف بی آئی کا حساس جرائم کا ڈیٹا بیس ہیک کرلیا گیا دعا ہے کہ وزیر اعظم اپنے 5 سال پورے کریں: بلاول بھٹو پاکستانی نژاد کینیڈین ذیشان واہلہ برٹش کولمبیا کے وزیر مملکت برائے ہاؤسنگ مقرر بریگزٹ کے بعد یورپی یونین اور برطانیہ کا اہم معاہدہ طے پا گیا اسرائیلی اپوزیشن رہنما گادی آئزن کا نیتن یاہو کو وزارت عظمیٰ سے ہٹانے کا اعلان امریکی محکمہ زراعت پر سائبر حملہ، اہم کمپیوٹر سسٹمز متاثر

دعا ہے کہ وزیر اعظم اپنے 5 سال پورے کریں: بلاول بھٹو

Web Desk

21 November 2026

پاکستان پیپلز پارٹی (پی پی پی) کے چیئرمین بلاول بھٹو زرداری نے کہا ہے کہ وہ چاہتے ہیں کہ وزیراعظم کے ہاتھ مضبوط کریں اور شہباز شریف اپنی پانچ سالہ آئینی مدت پوری کریں۔

کراچی میں ایک تقریب سے خطاب کرتے ہوئے بلاول بھٹو زرداری نے کہا کہ وزیراعظم کو معاشی بحران پر توجہ مرکوز کرنے اور بحران سے نکلنے کے منصوبے پر کام کرنے کا موقع ہی نہیں دیا گیا، جبکہ عام سیاست دان کی روایت وزیراعظم کے کام میں مشکل پیدا کرنا بن چکی ہے۔

انہوں نے کہا کہ جب بھی وزیراعظم معاشی مشکلات سے نکلنے کا کوئی منصوبہ بناتے ہیں تو کوئی وزیر اٹھ کر اپنا ایجنڈا سنا دیتا ہے اور معاشی بحران سے توجہ ہٹا دیتا ہے۔ بلاول بھٹو کا کہنا تھا کہ شہباز شریف کو دو بار وزیراعظم بنایا ہے اور ایک بار شہباز شریف کے ساتھ کابینہ میں کام بھی کیا، جبکہ شہباز شریف اس بات پر فخر کرتے ہیں کہ ملک ڈیفالٹ کے دہانے پر تھا اور ہم نے محنت سے اسے نکال لیا۔

چیئرمین پاکستان پیپلز پارٹی نے مزید کہا کہ جب یہ جنگ شروع ہوئی تو وزیراعظم اور ان کی ٹیم نے امن قائم کرنے کے لیے محنت کی، تاہم جہاں سارا دھیان جنگ پر مرکوز ہے، وہاں وزیراعظم کو موقع ہی نہیں دیا گیا کہ وہ معاشی بحران پر توجہ دے سکیں۔

بلاول بھٹو زرداری نے سیاسی مصالحت اور مشاورت پر زور دیتے ہوئے کہا کہ ہمیں اچھا لگے یا نہ لگے، مسائل کا حل نکالنے کے لیے مولانا فضل الرحمان اور پی ٹی آئی کو انگیج کرنا ہوگا، اور اگر ملکی مفاد اہم نہ ہوتا تو وہ بھی یہی کہتے کہ بانی پی ٹی آئی کو دباؤ میں رکھتے رہیں۔