LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
نئے صوبوں کے قیام کیلئے عوامی رائے لینے میں کوئی حرج نہیں: بیرسٹرعقیل ملک ن لیگ سے اتحاد ملک کی خاطر کیا، نئے صوبوں پر عوامی رائے اہم ہے: گورنر پنجاب سی ڈی ڈبلیو پی نے 19 ارب 30 کروڑ روپے کے 7 ترقیاتی منصوبوں کی منظوری دے دی ای سی سی اجلاس، ایس ایم ایز کیلئے ایکسپورٹ فنانسنگ پالیسی میں ترامیم کی منظوری پنجاب ویٹ ریلیز اینڈ فلور ڈسٹری بیوشن آرڈر 2026 کا اطلاق آج سے ہو گا پاکستان اور بھارت کے درمیان تہذیبی روابط، مکالمے کا فروغ ناگزیر: مصدق ملک پٹرول کی قیمت میں ایک روہے کمی، ڈیزل 2 روپے لٹر مہنگا ہو گیا سعودی فوجی اتحاد کی حوثی ملیشیا کے خلاف کارروائی، 7 فوجی اہداف تباہ کرنے کا دعویٰ روس کی پاکستان اور افغانستان کے درمیان مذاکرات میں ثالثی کی پیشکش ایم کیو ایم رکن سندھ اسمبلی اعجاز الحق نے رکنیت سے استعفی دے دیا: ذرائع خیبرپختونخوا سے متعلق پانچ آرڈیننسز کے اجرا کی تیاری، وفاق نے سمری منظور کر لی موجودہ نظام اللہ کے احکامات کے خلاف، اسے ختم ہونا چاہیے: حافظ نعیم الرحمٰن پاکستان نے اقوام متحدہ میں بھارت کے غیر سفارتی اور بے بنیاد بیانات مسترد کردیے جنگ کا بڑا حصہ گزر چکا، ایک بڑا مرحلہ باقی ہے، احمد وحیدی وفاقی اداروں میں بدعنوانی کے امکانات کی جائزہ رپورٹ تیار کرلی: اعظم تارڑ

نئے صوبوں کے قیام کیلئے عوامی رائے لینے میں کوئی حرج نہیں: بیرسٹرعقیل ملک

Web Desk

20 November 2026

وزیرِ مملکت برائے قانون بیرسٹر عقیل ملک نے کہا ہے کہ نئے صوبوں کے قیام کے لیے عوامی رائے لینے میں کوئی حرج نہیں ہے اور آئینِ پاکستان اس معاملے پر ریفرنڈم کے انعقاد سے نہیں روکتا۔

نجی ٹی وی کے پروگرام ’ٹونائٹ ود ثمر عباس‘ میں گفتگو کرتے ہوئے بیرسٹر عقیل ملک نے واضح کیا کہ اگر نئے صوبوں کے حوالے سے ریفرنڈم کرایا جاتا ہے تو اس کا عام انتخابات پر کوئی اثر نہیں پڑے گا۔ انہوں نے کہا کہ ملک میں بہتر طرزِ حکمرانی (گورننس) کو ممکن بنانے کے لیے نئے صوبے بننے چاہئیں، تاہم کسی بھی آئینی ترمیم کے لیے پارلیمنٹ میں دو تہائی اکثریت درکار ہوتی ہے اور اگر آئینی ترمیم کرنی ہے تو یہ کام پارلیمنٹ ہی نے انجام دینا ہے۔

وزیرِ مملکت برائے قانون کا کہنا تھا کہ پاکستان تحریک انصاف (پی ٹی آئی) بھی اس معاملے پر اپنی پوزیشن واضح کر چکی ہے کہ نئے صوبوں کا قیام اس کے منشور کا حصہ ہے، جبکہ پی ٹی آئی پہلے ہی صوبوں کے حوالے سے اپنا مؤقف رکھتی ہے۔

حکومتی اتحادی جماعتوں کے درمیان ہونے والی ملاقاتوں کے حوالے سے گفتگو کرتے ہوئے بیرسٹر عقیل ملک نے کہا کہ اتحادیوں کے مابین ملاقاتوں کا سلسلہ جاری رہتا ہے جن میں مختلف قومی و سیاسی امور زیرِ بحث آتے ہیں، اور ان بیٹھکوں کا بنیادی مقصد باہمی مشاورت سے معاملات کو حل کرنا ہوتا ہے۔

انہوں نے مزید کہا کہ موجودہ حکومت اتحادیوں کی حکومت ہے اور پاکستان پیپلز پارٹی اس کی ایک بڑی اتحادی جماعت ہے، اس لیے مختلف اہم معاملات پر پیپلز پارٹی کو مکمل اعتماد میں لیا جاتا ہے اور باہمی مشاورت کے بعد ہی آگے بڑھا جاتا ہے۔