LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
نئے صوبوں کے قیام کیلئے عوامی رائے لینے میں کوئی حرج نہیں: بیرسٹرعقیل ملک ن لیگ سے اتحاد ملک کی خاطر کیا، نئے صوبوں پر عوامی رائے اہم ہے: گورنر پنجاب سی ڈی ڈبلیو پی نے 19 ارب 30 کروڑ روپے کے 7 ترقیاتی منصوبوں کی منظوری دے دی ای سی سی اجلاس، ایس ایم ایز کیلئے ایکسپورٹ فنانسنگ پالیسی میں ترامیم کی منظوری پنجاب ویٹ ریلیز اینڈ فلور ڈسٹری بیوشن آرڈر 2026 کا اطلاق آج سے ہو گا پاکستان اور بھارت کے درمیان تہذیبی روابط، مکالمے کا فروغ ناگزیر: مصدق ملک پٹرول کی قیمت میں ایک روہے کمی، ڈیزل 2 روپے لٹر مہنگا ہو گیا سعودی فوجی اتحاد کی حوثی ملیشیا کے خلاف کارروائی، 7 فوجی اہداف تباہ کرنے کا دعویٰ روس کی پاکستان اور افغانستان کے درمیان مذاکرات میں ثالثی کی پیشکش ایم کیو ایم رکن سندھ اسمبلی اعجاز الحق نے رکنیت سے استعفی دے دیا: ذرائع خیبرپختونخوا سے متعلق پانچ آرڈیننسز کے اجرا کی تیاری، وفاق نے سمری منظور کر لی موجودہ نظام اللہ کے احکامات کے خلاف، اسے ختم ہونا چاہیے: حافظ نعیم الرحمٰن پاکستان نے اقوام متحدہ میں بھارت کے غیر سفارتی اور بے بنیاد بیانات مسترد کردیے جنگ کا بڑا حصہ گزر چکا، ایک بڑا مرحلہ باقی ہے، احمد وحیدی وفاقی اداروں میں بدعنوانی کے امکانات کی جائزہ رپورٹ تیار کرلی: اعظم تارڑ

ن لیگ سے اتحاد ملک کی خاطر کیا، نئے صوبوں پر عوامی رائے اہم ہے: گورنر پنجاب

Web Desk

20 November 2026

گورنر پنجاب سردار سلیم حیدر خان نے کہا ہے کہ پاکستان پیپلز پارٹی نے مسلم لیگ (ن) سے اتحاد ملک کی خاطر کیا ہے، جبکہ صدر آصف علی زرداری مضبوط اعصاب کے مالک ہیں جنہوں نے ہمیشہ مفاہمت اور مشکل وقت میں قومی یکجہتی کی بات کی ہے۔

گورنر پنجاب سردار سلیم حیدر خان سے کورٹس جرنلسٹس ایسوسی ایشن کے وفد نے گورنر ہاؤس لاہور میں ملاقات کی۔ وفد کی قیادت ایسوسی ایشن کے صدر محمد اشفاق نے کی، جبکہ سیکرٹری محمد ہارون، سینئر نائب صدر عمران احسان، نائب صدور شیخ زین العابدین اور نعمان نور، جوائنٹ سیکرٹری افضال سیال، فنانس سیکرٹری رانا بلال سمیت دیگر عہدیداران اور صحافی بھی اس موقع پر شریک تھے، جبکہ پاکستان پیپلز پارٹی کے سینئر رہنما میاں ایوب بھی ملاقات میں موجود تھے۔

گورنر پنجاب نے کورٹس جرنلسٹس ایسوسی ایشن کے نومنتخب عہدیداروں کو مبارکباد دیتے ہوئے کہا کہ یہ ایسوسی ایشن صحافی برادری کا ایک اہم اثاثہ ہے۔ انہوں نے تمام نومنتخب عہدیداروں کے لیے نیک خواہشات کا اظہار کیا اور جمہوریت کے استحکام و عوامی آگاہی میں صحافی برادری کے مثبت کردار کو بھرپور سراہا۔

ملاقات کے دوران ملکی سیاسی امور پر گفتگو کرتے ہوئے سردار سلیم حیدر خان نے کہا کہ پیپلز پارٹی نے مسلم لیگ (ن) کے ساتھ اتحاد صرف اور صرف ملکی مفاد اور استحکام کی خاطر کیا ہے۔ نئے صوبوں کے قیام کے حوالے سے بات کرتے ہوئے انہوں نے کہا کہ اس معاملے میں عوام کی رائے انتہائی اہمیت رکھتی ہے، جبکہ سندھ اسمبلی نئے صوبوں سے متعلق قرارداد دو تہائی اکثریت سے مسترد کر چکی ہے۔

گورنر پنجاب کا کہنا تھا کہ پاکستان پیپلز پارٹی غریب مزدوروں، ریڑھی بانوں، کاشتکاروں اور عام عوام کی نمائندہ جماعت اور شہیدوں کی وارث ہے۔ صدر آصف علی زرداری کو خراجِ تحسین پیش کرتے ہوئے انہوں نے کہا کہ صدر زرداری مضبوط اعصاب کے مالک رہنما ہیں جنہوں نے ہر دور میں ملک کے اندر مفاہمت اور کڑے وقت میں قومی یکجہتی کو فروغ دیا۔

انہوں نے مزید کہا کہ چیئرمین پیپلز پارٹی بلاول بھٹو زرداری بھٹو خاندان کی عوامی خدمت کا عظیم وژن لے کر آگے بڑھ رہے ہیں، اور بلاول بھٹو زرداری نے جو بات کی ہے کہ سسٹم ری سیٹ ہونا چاہیے، میں اپنے قائد کے اس مؤقف کی مکمل تائید کرتا ہوں۔ اس موقع پر صحافی وفد نے گورنر پنجاب کو خراجِ تحسین پیش کرتے ہوئے کہا کہ انہوں نے گورنر ہاؤس کے دروازے عام شہریوں کے لیے کھول کر اسے حقیقی معنوں میں ’عوامی ہاؤس‘ بنا دیا ہے۔