این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
Web Desk
19 November 2026
نیشنل سائبر کرائم انویسٹی گیشن ایجنسی (این سی سی آئی اے) کراچی نے آن لائن جوئے اور سٹے بازی کے خلاف پاکستان کی تاریخ کا سب سے بڑا آپریشن کرتے ہوئے ایک منظم بین الاقوامی نیٹ ورک پکڑ لیا ہے، جس کے دوران مرکزی کردار سیف سمیت 5 ملزمان کو گرفتار کر لیا گیا ہے۔
این سی سی آئی اے حکام کے مطابق ابتدائی تفتیش میں اب تک آن لائن جوئے کے مختلف بینک اکاؤنٹس میں 240 ارب روپے کریڈٹ ہونے کا ہوشربا انکشاف ہوا ہے۔ ملزمان کے خلاف یہ کارروائیاں کراچی کے مختلف علاقوں میں کی گئیں، جن کے دوران گرفتار ہونے والے 2 ملزمان کے بینک اکاؤنٹس میں موجود ایک ارب روپے سے زائد کی رقم منجمد کر دی گئی ہے، جبکہ چھاپے کے دوران ایک بیگ سے 73 لاکھ روپے نقد بھی برآمد کیے گئے ہیں۔
حکام نے بتایا کہ اسٹیٹ بینک آف پاکستان (ایس بی پی) کی جانب سے 20 مشتبہ شناختی کارڈز سے متعلق انکوائری موصول ہوئی تھی، جن کے ذریعے ہونے والی بھاری مالیاتی ٹرانزیکشنز کا ریکارڈ آپس میں مطابقت نہیں رکھتا تھا۔ اس اطلاع پر آن لائن جوئے اور سٹے کے اس نیٹ ورک کو بے نقاب کرنے کے لیے مسلسل 3 ماہ تک دن رات تفتیش اور تکنیکی نگرانی کی گئی۔
این سی سی آئی اے کے مطابق آن لائن جوئے اور سٹے بازی کے اس میگا اسکینڈل میں مجموعی طور پر 40 مقدمات درج کیے گئے ہیں، جبکہ تحقیقات کے دوران اس بین الاقوامی نیٹ ورک میں مختلف کمرشل بینکوں، مائیکرو فنانس بینکوں اور دیگر اہم کرداروں کے ملوث ہونے کا بھی انکشاف ہوا ہے۔ حکام کا کہنا ہے کہ معاملے کی مزید تفتیش جاری ہے اور نیٹ ورک سے وابستہ دیگر سہولت کاروں اور عناصر کا سراغ لگایا جا رہا ہے۔
متعلقہ عنوانات
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم
19 November 2026