شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال
Web Desk
19 November 2026
وزیراعظم محمد شہباز شریف سے جنوب مشرقی ایشیائی ممالک کی تنظیم (آسیان / ASEAN) کے سیکریٹری جنرل ڈاکٹر کاؤ کم ہورن نے وزیراعظم ہاؤس میں ملاقات کی ہے، جس میں پاکستان اور جنوب مشرقی ایشیائی ممالک کے درمیان تجارت، سرمایہ کاری اور اقتصادی تعاون کے فروغ پر تفصیلی تبادلہ خیال کیا گیا۔
ملاقات کے دوران وزیراعظم شہباز شریف نے آسیان اور جنوب مشرقی ایشیائی خطے کے ساتھ پاکستان کی دیرینہ شراکت داری کو مزید مستحکم کرنے کے عزم کا اعادہ کیا۔ انہوں نے کہا کہ دونوں فریقین کے درمیان پائی جانے والی موجودہ خیرسگالی کو ٹھوس اقتصادی اور ترقیاتی شراکت داری میں تبدیل کرنے کی ضرورت ہے، جبکہ ملاقات میں غذائی تحفظ، موسمیاتی تبدیلی، انفارمیشن ٹیکنالوجی (آئی ٹی) اور تعلیم کے شعبوں میں دوطرفہ تعاون بڑھانے کے طریقوں پر بھی غور کیا گیا۔
وزیراعظم نے پاکستان کے اہم تزویراتی محلِ وقوع کو اجاگر کرتے ہوئے کہا کہ پاکستان وسطی ایشیا، مشرقِ وسطیٰ اور مغربی ایشیا کے سنگم پر واقع ہے اور وسیع تر خطے کے لیے ایک گیٹ وے کی حیثیت رکھتا ہے، جس سے علاقائی روابط، تجارت اور اقتصادی انضمام کو بھرپور فروغ مل سکتا ہے۔
اس موقع پر آسیان کے سیکریٹری جنرل ڈاکٹر کاؤ کم ہورن نے پرتپاک مہمان نوازی پر وزیراعظم شہباز شریف کا شکریہ ادا کیا اور پاکستان کے ساتھ تعلقات کو مزید مضبوط بنانے کے لیے آسیان کے عزم کا اعادہ کیا۔ ڈاکٹر کاؤ کم ہورن نے پاکستان کی جانب سے قریبی روابط کے قیام میں دلچسپی کا خیرمقدم کرتے ہوئے امید ظاہر کی کہ مسلسل تعاون اور ان کا موجودہ دورہ دونوں فریقین کی شراکت داری کو مزید آگے بڑھانے میں معاون ثابت ہوگا۔
متعلقہ عنوانات
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم
19 November 2026
صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026
سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار
19 November 2026
قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق
19 November 2026