انڈر 19 کرکٹ ایشیا کپ: بھارت نے سنسنی خیز مقابلےکے بعد ٹائٹل جیت لیا

انڈر 19 کرکٹ ایشیا کپ کے انتہائی سنسنی خیز فائنل مقابلے میں بھارت نے آخری گیند پر پاکستان کو ایک وکٹ سے شکست دے کر ٹائٹل اپنے نام کر لیا۔ پاکستان نے پہلے بیٹنگ کرتے ہوئے مقررہ اوورز میں 337 رنز کا بڑا مجموعہ ترتیب دیا جس میں عثمان خان نے شاندار 107 رنز کی سنچری اسکور کی جبکہ عبدالقادر 80 اور کپتان فرحان یوسف 63 رنز بنا کر نمایاں رہے، اس کے علاوہ حیام خان نے 21، احمد حسین نے 17، نقاب شفیق نے 11 اور حمزہ ظہور نے 10 رنز کا اضافہ کیا۔ جواب میں بھارتی ٹیم نے 338 رنز کا ہدف آخری گیند پر 9 وکٹوں کے نقصان پر حاصل کر لیا؛ بھارت کی جانب سے لکشیا راجیش 80 اور آریا ویر سہواگ 58 رنز بنا کر نمایاں بلے باز رہے جبکہ وی کے ونیت نے 24، انوے ڈریوڈ نے 19، ارجن راجپوت نے 16 اور یشبردھن و آرین ساوسانی نے 9، 9 رنز کی اننگز کھیل کر اپنی ٹیم کو یادگار فتح دلائی۔