برطانیہ میں امریکی فوجی اڈے کے اوپر ڈرونز کی پروازیں، سکیورٹی اہلکار حرکت میں آگئے

برطانیہ میں قائم امریکی فضائیہ کے اہم فوجی اڈے آر اے ایف لیکن ہیتھ (RAF Lakenheath) کے اوپر مشتبہ ڈرونز کی غیر مجاز سرگرمی دیکھے جانے کے بعد سیکیورٹی اہلکار فوری طور پر حرکت میں آ گئے۔ امریکی فضائیہ کے ترجمان نے واقعے کی تصدیق کرتے ہوئے بتایا کہ فوجی اڈے کے اوپر ڈرونز کی مشتبہ سرگرمی سے نمٹنے کے لیے فوری جوابی کارروائی کی گئی، تاہم اس دوران کسی اہلکار، طیارے یا فوجی تنصیب کو کوئی نقصان نہیں پہنچا۔ واقعے کے وقت فوجی اڈے پر خطرے کے سائرن بجنے کی اطلاعات بھی سامنے آئیں جنہیں قریبی آبادی کے رہائشیوں نے واضح طور پر سنا۔ واضح رہے کہ گزشتہ ستمبر میں آر اے ایف فیئر فورڈ میں پیش آنے والے اسی نوعیت کے واقعے کے بعد برطانیہ میں موجود امریکی فوجی اڈوں کی سیکیورٹی مزید سخت کر دی گئی تھی، تاہم تازہ واقعے کے بعد ان فوجی تنصیبات کے تحفظ کے حوالے سے تشویش میں مزید اضافہ ہو گیا ہے۔