ایف بی آر نے نئے ٹیکس دہندہ کیلئے 25 ہزار روپے کا سرچارج ختم کردیا

فیڈرل بورڈ آف ریونیو (ایف بی آر) نے نئے ٹیکس دہندگان کے لیے 25 ہزار روپے کا سرچارج ختم کرتے ہوئے انہیں بغیر اضافی فیس ایکٹو ٹیکس پیئر لسٹ (اے ٹی ایل) میں شامل ہونے کی اجازت دے دی ہے۔ ایف بی آر کے مطابق سرچارج سے چھوٹ حاصل کرنے کے لیے ٹیکس دہندگان کو آئندہ چھ ماہ تک کسی قسم کی جائیداد نہ خریدنے کی شرط پوری کرنا ہوگی۔ اس مقصد کے لیے آئی آر آئی ایس (IRIS) سسٹم کے ذریعے ایک نیا انڈرٹیکنگ فارم ‘اے ٹی ایل یو’ (ATL-U) متعارف کرایا گیا ہے۔ ایف بی آر کے مطابق چھ ماہ کی مقررہ مدت کے دوران ٹیکس دہندگان کی جائیداد کی خریداری کی باقاعدہ نگرانی کی جائے گی، اور اگر کسی فرد نے اس عرصے میں جائیداد خریدی تو اس کو دی گئی سرچارج کی چھوٹ فوری ختم کر دی جائے گی۔