ایرانی دھمکیوں کے بعد امریکی وزیر خزانہ سکاٹ بیسنٹ فوجی اڈے منتقل

امریکی ٹی وی ‘فاکس نیوز’ نے دعویٰ کیا ہے کہ ایران کی جانب سے جان کو شدید خطرات کے باعث امریکی وزیرِ خزانہ سکاٹ بیسنٹ اپنے اہلخانہ سمیت محفوظ فوجی اڈے پر منتقل ہو گئے ہیں۔ امریکی انتظامیہ کے ایک سینئر عہدیدار نے تصدیق کی ہے کہ ایران کی جانب سے ملنے والی دھمکیاں خطرناک حد تک بڑھنے کے بعد انتظامیہ نے سکاٹ بیسنٹ اور ان کے خاندان کو فوری طور پر محفوظ مقام پر منتقل کرنے کا فیصلہ کیا۔ امریکی محکمۂ خزانہ نے بھی ان کی منتقلی کی تصدیق کی ہے، جبکہ رپورٹ کے مطابق دیگر اعلیٰ امریکی عہدیدار بھی سیکیورٹی خدشات کے پیش نظر محفوظ رہائش گاہوں میں منتقل ہو رہے ہیں۔ رپورٹ میں مزید بتایا گیا ہے کہ سکاٹ بیسنٹ ایران پر سخت تجارتی و مالیاتی پابندیوں کی پالیسی پر عملدرآمد جاری رکھیں گے اور دھمکیوں کے باعث اپنے اقدام سے پیچھے نہیں ہٹیں گے۔