تربیلا توسیعی منصوبہ حادثہ، وزیر آبی وسائل اور وزیراعظم آفس نے نوٹس لے لیا

تربیلا پانچویں توسیعی منصوبے میں پیش آنے والے حادثے کا وفاقی وزیر برائے آبی وسائل اور وزیراعظم آفس نے نوٹس لیتے ہوئے واقعے کی وجوہات کا تعین کرنے اور باقاعدہ تحقیقات کرانے کا فیصلہ کیا ہے۔ سرکاری دستاویزات کے مطابق منصوبے کی ابتدائی منظور شدہ لاگت 82 ارب 36 کروڑ روپے تھی، تاہم جنوری 2026 تک اس پر 153 ارب 95 کروڑ روپے خرچ کیے جا چکے ہیں، جو کہ اصل تخمینے سے 71 ارب 59 کروڑ روپے زائد ہیں۔ مزید برآں، منصوبے کی نظرثانی شدہ لاگت 317 ارب روپے تک بڑھنے کا اندیشہ ظاہر کیا گیا ہے۔ واضح رہے کہ اس توسیعی منصوبے کے تحت 1,530 میگاواٹ بجلی پیدا کرنے کی صلاحیت کے حامل 3 پاور یونٹس نصب کیے جانے ہیں۔