حکومت کیساتھ مذاکرات کا دسواں دور، پٹرولیم لیوی ختم کرنیکا مطالبہ کیا: لیاقت بلوچ

نائب امیر جماعت اسلامی پاکستان لیاقت بلوچ نے بتایا ہے کہ حکومتی کمیٹی کے ساتھ مذاکرات کا انتہائی اہم دسواں راؤنڈ مکمل ہو گیا ہے، جس میں عوام کو فوری اور واضح ریلیف کی فراہمی پر تفصیلی بات چیت کی گئی۔ میڈیا سے گفتگو کرتے ہوئے انہوں نے کہا کہ دونوں فریقین کے درمیان جاری ریلیف میں وسعت لانے پر اتفاق ہوا ہے، جبکہ آئی ایم ایف سے بات چیت کر کے اس سلسلہ کو برقرار رکھنا حکومت کی ذمہ داری ہے۔ جماعت اسلامی نے تجاویز پیش کی ہیں کہ 1,000 سی سی گاڑیوں اور زرعی شعبے کو بھی ریلیف اسکیم میں شامل کیا جائے اور پیٹرولیم لیوی کو فوری ختم کیا جائے۔ لیاقت بلوچ کے مطابق حکومت نے مان لیا ہے کہ پیٹرولیم لیوی کے خاتمے کا مطالبہ جائز ہے اور اس کے لیے آئندہ کا لائحہ عمل پیش کرنے کی یقین دہانی کرائی ہے۔ انہوں نے مزید کہا کہ ایف بی آر کی ناکامیوں کا بوجھ عوام پر ڈالنے کے بجائے حکومت اپنی فضول خرچیوں پر قابو پائے۔