ایس سی او سمٹ سے قبل ہوٹلوں کی تزئین و آرائش مکمل کرنے کا فیصلہ

وفاقی وزیر داخلہ محسن نقوی کی زیرِ صدارت ایک اہم اجلاس منعقد ہوا جس میں شانگھائی تعاون تنظیم (SCO) سمٹ سے قبل اسلام آباد کے ہاسپٹیلٹی سیکٹر کو اپ گریڈ کرنے اور غیر ملکی مہمانوں کی میزبانی کے لیے شہر کی خوبصورتی و تیاریوں کا تفصیلی جائزہ لیا گیا۔ وزیر داخلہ نے تمام زیرِ تعمیر ہوٹلوں کی جلد مکمل کرنے اور مقامی ہوٹلوں کو عالمی چینز کے ساتھ منسلک کرنے کی ہدایت کی۔ اجلاس میں ‘ون کنسٹیٹیوشن ایونیو’ کو بین الاقوامی معیار کے ہوٹل اور ملحقہ عمارت میں شاپنگ مال میں تبدیل کرنے کے منصوبے پر بریفنگ دی گئی، جس کا تعمیراتی کام یکم جنوری سے لازمی شروع کرنے کا حکم دیا گیا ہے۔ علاوہ ازیں، ہاسپٹیلٹی سیکٹر میں تربیت یافتہ افرادی قوت کی فراہمی کے لیے خصوصی کورسز شروع کرنے اور کنونشن سینٹر کے نئے ہال کی تعمیر کا کام جلد مکمل کرنے پر بھی اتفاق کیا گیا۔