امریکی تاریخ میں پہلی بار تمام 50 ریاستوں میں انتخابی مبصرین تعینات

امریکی محکمہ انصاف نے ملک بھر میں آزادانہ، منصفانہ اور شفاف وسط مدتی انتخابات (مڈٹرم الیکشن) کو یقینی بنانے کے لیے تمام 50 ریاستوں میں انتخابی مبصرین تعینات کر دیے ہیں۔ امریکی میڈیا کے مطابق وفاقی حکام کی جانب سے 1,000 سے زائد نگران اہلکار اور مبصرین میدان میں اتارے گئے ہیں، جو ووٹنگ ڈے کے دوران وفاقی انتخابی قوانین اور ووٹرز کے حقوق پر عمل درآمد کی نگرانی کریں گے۔ امریکی تاریخ میں یہ پہلا موقع ہے کہ الیکشن مانیٹرنگ کا دائرہ کار تمام ریاستوں تک پھیلایا گیا ہے، جبکہ اس سے قبل 2022 کے مڈٹرم الیکشنز میں محض 24 ریاستوں میں محدود مبصرین بھیجے گئے تھے۔ محکمہ انصاف نے واضح کیا ہے کہ اس اقدام کا بنیادی مقصد انتخابی عمل کی شفافیت اور کسی بھی قسم کی قانون شکنی کا سدباب کرنا ہے۔