امریکا میں وسط مدنی انتخابات کیلئے پولنگ کا آغاز ہوگیا

امریکا میں وسط مدتی انتخابات (مڈٹرم الیکشن) کے لیے پولنگ کا آغاز ہو گیا ہے، جہاں ورمونٹ، نیویارک اور ورجینیا سمیت متعدد ریاستوں میں شہری اپنا حقِ رائے دہی استعمال کر رہے ہیں۔ ان انتخابات میں ایوانِ نمائندگان کی تمام 435، سینیٹ کی 35 نشستوں اور 36 ریاستوں کے گورنرز کا انتخاب کیا جائے گا، جس میں ری پبلکنز کو ایوانوں میں اپنی اکثریت برقرار رکھنے کی کوشش کا سامنا ہے۔ سروے کے مطابق ڈیموکریٹس کو بیلٹ پر کچھ برتری حاصل ہے، تاہم ماہرین کے مطابق حتمی نتائج کا انحصار کڑے انتخابی حلقوں پر ہوگا جو نہ صرف امریکی قانون سازی بلکہ صدر ڈونلڈ ٹرمپ کے باقی ماندہ دورِ صدارت اور پالیسیوں کا رخ متعین کریں گے۔