امریکا ایران اختلافات کم کرنے کی کوششیں جاری ہیں، قطر

تہران کا دورہ کرنے والی قطری ثالثی ٹیم گزشتہ رات واپس دوحہ پہنچ گئی ہے، جہاں امریکا اور ایران کے درمیان درپیش اختلافات کو کم کرنے اور علاقائی کشیدگی روکنے کے لیے سفارتی کوششیں تیز کر دی گئی ہیں۔ قطری وزارتِ خارجہ کے مطابق دونوں فریقین نے مذاکرات کے دوران سامنے آنے والی نئی سفارتی تجاویز کا جائزہ لینا شروع کر دیا ہے۔ ترجمان قطری وزارتِ خارجہ نے بتایا کہ تہران اور واشنگٹن خطے بالخصوص خلیجی ممالک میں مزید کشیدگی روکنے کے لیے ایک پیج پر ہیں اور گفتگو میں مثبت پیش رفت ہوئی ہے، جبکہ دونوں فریق پرامن حل کے لیے ثالثی کے اس عمل کے ساتھ مکمل طور پر پرعزم ہیں۔