پٹرول کی قیمت برقرار، ڈیزل 85 پیسے فی لٹر مہنگا کردیا گیا

کومت نے بین الاقوامی مارکیٹ کے نرخوں اور اوگرا کی سفارشات کی روشنی میں ملک میں پٹرولیم مصنوعات کی نئی قیمتوں کا باضابطہ اعلان کر دیا ہے۔

پٹرولیم ڈویژن کی جانب سے جاری کردہ نوٹیفکیشن کے مطابق پٹرول کی فی لٹر قیمت کو سابقہ سطح پر ہی برقرار رکھا گیا ہے، تاہم ہائی اسپیڈ ڈیزل کی قیمت میں 85 پیسے فی لٹر کا معمولی اضافہ کیا گیا ہے۔ نئے نوٹیفکیشن کے نفاذ کے بعد ہائی اسپیڈ ڈیزل کی نئی قیمت بڑھ کر 400 روپے 67 پیسے فی لٹر مقرر کر دی گئی ہے، جب کہ پٹرول کی قیمت 377 روپے 91 پیسے فی لٹر پر برقرار رہے گی۔ یاد رہے کہ اوگرا (پٹرولیم ریگولیٹری اتھارٹی) نے حکومت کے طے کردہ پٹرولیم پرائسنگ میکنزم کے تحت 30 اکتوبر 2026 کے لیے پٹرولیم مصنوعات کی ان نئی ایکس ڈپو قیمتوں کا تعین کیا ہے۔