سابق آرمی چیف عبدالوحید کاکڑ کی نماز جنازہ ادا، وزیراعظم سمیت اعلیٰ سول و عسکری حکام شریک

سابق آرمی چیف جنرل (ر) عبدالوحید کاکڑ کی نمازِ جنازہ آرمی ریس کورس گراؤنڈ راولپنڈی میں ادا کر دی گئی ہے، جس میں ملک کی اہم ترین سیاسی و عسکری شخصیات نے شرکت کی۔

نمازِ جنازہ میں وزیراعظم محمد شہباز شریف، نائب وزیراعظم اسحاق ڈار، وزیر دفاع خواجہ آصف، کمانڈر نیشنل سٹریٹجک کمانڈ جنرل سید عامر رضا کے علاوہ سابق آرمی چیفس، سابق چیئرمین جوائنٹ چیفس آف سٹاف کمیٹی اور بڑی تعداد میں موجودہ و سابق سول و عسکری حکام شریک ہوئے۔ فیلڈ مارشل سید عاصم منیر اور پاک فوج کے تمام رینکس نے سابق آرمی چیف کے انتقال پر گہرے دکھ اور رنج کا اظہار کیا ہے۔

ادارہ تعلقاتِ عامہ (آئی ایس پی آر) کے مطابق پاک فوج غمزدہ خاندان کے دکھ میں برابر کی شریک ہے۔ دریں اثنا، صدر مملکت آصف علی زرداری نے بھی جنرل (ر) عبدالوحید کاکڑ کے انتقال پر گہرے افسوس کا اظہار کیا ہے۔