مسلم ممالک کا اتحاد اسرائیلی جارحیت روک سکتا ہے: ایرانی صدر

ایرانی صدر مسعود پزشکیان نے چار ملکی اجلاس سے خطاب کرتے ہوئے کہا ہے کہ ایران اسلامی ممالک کے اتحاد اور باہمی مفاہمت کے لیے کی جانے والی ہر کوشش کی مکمل حمایت کرتا ہے۔ انہوں نے زور دیا کہ مسلم ممالک اپنی مشترکہ صلاحیتوں کو بروئے کار لا کر دنیا کے سامنے انصاف اور ترقی کا بہترین نمونہ پیش کر سکتے ہیں، کیونکہ اسلامی ممالک کا اتحاد ہی اسرائیل کو جارحیت سے روکنے کا مؤقر طریقہ ہے۔ مسعود پزشکیان نے واضح کیا کہ اسرائیل کا یہ خام خیال تھا کہ فوجی دباؤ اور جارحیت ایران کو جھکنے یا ہتھیار ڈالنے پر مجبور کر دے گی، تاہم اسرائیلی اقدامات نے ایرانی قوم کے اتحاد کو مزید مضبوط کیا ہے اور قوم تمام مشکلات و نقصانات کے باوجود اپنے وطن کے دفاع پر ثابت قدم ہے۔