پی ٹی آئی میں اختلافات، بیرسٹر گوہر نے واضح ہدایات جاری کردیں

پاکستان تحریک انصاف (پی ٹی آئی) کے اندرونی اختلافات کے معاملے پر چیئرمین بیرسٹر گوہر نے واضح ہدایات جاری کرتے ہوئے جنید اکبر کو بدستور پارٹی کا صوبائی صدر قرار دے دیا ہے۔ جاری کردہ اعلامیے کے مطابق جنید اکبر کی عدم موجودگی میں نورالحق قادری قائمقام صدر کے فرائض انجام دیں گے، جبکہ علی اصغر صوبائی جنرل سیکرٹری کی حیثیت سے اپنی ذمہ داریاں جاری رکھیں گے۔ صوبائی سیکرٹری اطلاعات شوکت یوسفزئی نے تصدیق کی ہے کہ صوبائی قیادت میں کوئی بڑی تبدیلی نہیں کی جا رہی اور تمام عہدیدار پارٹی مفاد میں متحد ہو کر کام کریں گے۔