تجارتی معاہدے پر مذاکرات میں اہم پیشرفت، امریکی منڈیوں تک رسائی بڑھانے پر اتفاق

پاکستان اور امریکا کے درمیان تجارتی معاہدے کے سلسلے میں جاری مذاکرات میں اہم پیشرفت سامنے آئی ہے، جہاں فریقین نے امریکی منڈیوں تک پاکستانی مصنوعات کی رسائی کو مزید وسعت دینے اور دوطرفہ اقتصادی روابط کو مضبوط بنانے پر اتفاق کر لیا ہے۔

ذرائع کے مطابق دونوں ممالک کے اعلیٰ سطح کے وفود کے درمیان ہونے والے ان مذاکراتی سیشنز میں باہمی تجارت کے فروغ، ٹیرف میں کمی اور پاکستانی برآمدات بالخصوص ٹیکسٹائل، آئی ٹی اور زراعت کے شعبوں کو امریکی مارکیٹ تک آسان رسائی دینے پر تفصیلی تبادلہ خیال کیا گیا۔ امریکی حکام نے تجارتی تعاون کو مزید بہتر بنانے کی خواہش کا اظہار کرتے ہوئے اقتصادی شراکت داری کو نئی بلندیوں پر لے جانے کی عزم کا اعادہ کیا۔

معاشی ماہرین کے مطابق اس تجارتی پیشرفت سے پاکستان کی قومی برآمدات میں نمایاں اضافہ ہوگا اور ملکی معیشت و غیر ملکی زرمبادلہ کے ذخائر کو مستحکم کرنے میں مدد ملے گی۔ توقع کی جا رہی ہے کہ ان مذاکرات کی روشنی میں جلد حتمی معاہدے پر عملدرآمد کی حکمتِ عملی طے کی جائے گی۔