وزیراعظم شہباز شریف کا آج ہونے والا پشاور کا دورہ منسوخ

وزیراعظم شہباز شریف کا آج (منگل) ہونے والا اہم دورۂ پشاور نامعلوم اور مصروف شیڈول کی بنا پر اچانک منسوخ کر دیا گیا ہے۔

ذرائع کے مطابق وزیراعظم کی دیگر اہم اور غیر متوقع مصروفیات کے باعث آج کا یہ اہم سیکیورٹی و انتظامی دورہ ملتوی کرنے کا فیصلہ کیا گیا ہے۔ قبل ازیں، حکومتی ذرائع نے تصدیق کی تھی کہ دورے کے دوران وزیراعظم کو خیبر پختونخوا کی مجموعی سیاسی و انتظامی صورتحال، امن و امان کی حالت اور صوبے میں جاری ترقیاتی منصوبوں پر تفصیلی بریفنگ دی جانی تھی۔

ذرائع کا مزید کہنا تھا کہ پشاور دورے کے موقع پر گورنر ہاؤس میں وزیراعظم کی زیر صدارت ایک اعلیٰ سطح کا سیکیورٹی اجلاس بھی انعقاد پذیر ہونا تھا، جس میں صوبے کو درپیش امن و امان کے چیلنجز اور حالیہ پیش رفت کا تفصیلی جائزہ لیا جانا تھا۔ اس دورے میں وزیراعظم شہباز شریف کے ہمراہ نائب وزیراعظم و وزیرِ خارجہ اسحاق ڈار اور وفاقی وزیرِ داخلہ محسن نقوی نے بھی خصوصی طور پر شرکت کرنا تھی۔