جنگ کے اخراجات نے ایران کے دشمنوں کو مایوسی سے دوچار کر دیا: محمد مخبر

ایرانی سپریم لیڈر کے مشیر محمد مخبر نے دعویٰ کیا ہے کہ ایران کے خلاف جنگ کے بھاری اخراجات نے امریکا اور اس کے مغربی اتحادیوں کو شدید مایوسی سے دوچار کر دیا ہے۔ انہوں نے کہا کہ امریکا اور نیٹو اتحادیوں نے اس جنگ کے تین سے چار دنوں میں ختم ہونے کی توقع کی تھی، تاہم وہ اپنے مقررہ مقاصد کا 10 فیصد بھی حاصل کرنے میں ناکام رہے۔ محمد مخبر نے خبردار کیا کہ اگر ایران کے خلاف دوبارہ جنگ چھیڑی گئی تو یہ پورے خطے کو اپنی لپیٹ میں لے لے گی۔ انہوں نے مزید کہا کہ ایران کی مضبوط دفاعی صلاحیتوں نے امریکا اور اسرائیل کو کھل کر اپنی تمام تر صلاحیتیں استعمال کرنے سے روکے رکھا، جبکہ اس تنازع کے بعد امریکی صدر ڈونلڈ ٹرمپ کی مقبولیت میں غیر معمولی کمی آئی ہے۔