چھاتی کے سرطان سے آگاہی کا عالمی دن، خواتین بروقت طبی مشورہ لیں: صدر و وزیراعظم کی اپیل

صدرِ مملکت آصف علی زرداری، وزیراعظم شہباز شریف اور خاتونِ اول آصفہ بھٹو زرداری نے چھاتی کے سرطان (بریسٹ کینسر) سے آگاہی کے عالمی دن پر خواتین سے اپیل کی ہے کہ وہ اپنی صحت کو ترجیح دیں اور کسی بھی تشویش کی صورت میں بغیر کسی خوف یا ہچکچاہٹ کے فوراً طبی معائنہ کرائیں۔ صدر زرداری نے زور دیا کہ خاندان اور معاشرہ ایسا ماحول فراہم کریں جہاں خواتین اپنے صحت کے خدشات کھُل کر بیان کر سکیں۔ وزیراعظم شہباز شریف نے اپنے پیغام میں کہا کہ حکومت بنیادی صحت کے مراکزی سطح پر اسکریننگ، علاج اور لیڈی ہیلتھ ورکرز کی تربیت پر توجہ دے رہی ہے تاکہ پسماندہ علاقوں کی خواتین کو بھی معیاری سہولیات مل سکیں، جبکہ پمز (PIMS) میں قائم وفاقی مرکز کے ذریعے مفت ادویات اور اسکریننگ فراہم کی جا رہی ہے۔ خاتونِ اول آصفہ بھٹو نے بھی خواتین کو خود معائنے اور بروقت رجوع کی ترغیب دیتے ہوئے طبی عملے اور میڈیم کا شکریہ ادا کیا۔