جوڈیشل کمپلیکس حملہ کیس: عدالت کا بانی پی ٹی آئی کو آئندہ سماعت پر پیش کرنے کا حکم، فرخ حبیب و دیگر اشتہاری قرار

اسلام آباد کی انسداد دہشت گردی عدالت میں جوڈیشل کمپلیکس حملہ کیس کی سماعت جج طاہر عباس سپرا نے کی۔ عدالت نے آئندہ سماعت پر بانی پی ٹی آئی کو فزیکلی یا بذریعہ ویڈیو لنک پیش کرنے کا حکم دیتے ہوئے فرخ حبیب، حماد اظہر، مراد سعید اور شبلی فراز کو اشتہاری قرار دے دیا اور ان کی جائیدادوں کی تفصیلات بھی طلب کر لیں۔ دورانِ سماعت سابق ڈپٹی اسپیکر پنجاب اسمبلی واثق قیوم اور حسن خان نیازی کے ناقابلِ ضمانت وارنٹ گرفتاری جاری کیے گئے، جبکہ تھانہ رمنا میں درج اس مقدمے کی مزید سماعت 5 نومبر تک ملتوی کر دی گئی۔