وقت آگیا کہ دنیا جان لے’پنک سالٹ‘ کس کا خزانہ ہے: مریم نواز

وزیراعلیٰ پنجاب مریم نواز شریف نے ‘ویلیو ایڈیشن فنانسنگ فار پنک راک سالٹ’ کے تحت چیک تقسیم کرنے کی تقریب سے خطاب کرتے ہوئے کہا ہے کہ اب وقت آ گیا ہے کہ دنیا جان لے کہ پنک سالٹ کس کا خزانہ ہے۔ انہوں نے اعلان کیا کہ پنک سالٹ کی ویلیو ایڈیشن کے لیے 5 کروڑ روپے تک کے بلاسود قرضے فراہم کیے جا رہے ہیں، جس سے زرمبادلہ کے ذخائر میں اضافہ اور روزگار کے نئے مواقع پیدا ہوں گے۔ وزیراعلیٰ نے افسوس ظاہر کیا کہ گزشتہ ادوار میں دوسرے ملکوں نے یہاں کا نمک کوڑیوں کے بھاؤ خرید کر لاکھوں ڈالر کمائے، لیکن اب ایسا نہیں ہوگا۔ انہوں نے بتایا کہ پنک سالٹ کی ویلیو ایڈیشن کے لیے قائدآباد میں 110 ایکڑ پر ایک جدید اسٹیٹ بنائی جا رہی ہے، اور اب یہ قیمتی نمک دنیا بھر میں ‘میڈ ان پاکستان’ کے نام سے فروخت ہوگا