ایران پر حملے: یورپی یونین بھی شدید متاثر، فیول امپورٹ بل 100 ارب یورو سے بڑھ گیا

ایران پر امریکی اور اسرائیلی عسکری حملوں سے شروع ہونے والی جنگ کے بھیانک معاشی اثرات نے اب یورپی یونین اور خود امریکہ کو اپنے شدید لپیٹ میں لینا شروع کر دیا ہے۔ ایندھن کی درآمدات کے حجم میں کوئی بھی اضافہ نہ کیے جانے کے باوجود، عالمی منڈی میں قیمتیوں کے توازن بگڑنے کی وجہ سے یورپی یونین کا فیول امپورٹ بل 100 ارب یورو سے بھی تجاوز کر گیا ہے۔ توانائی کے اس شدید بحران کے باعث خود امریکی عوام کو بھی ایندھن کی بے تحاشا مہنگائی نے شدید پریشان کر رکھا ہے۔

اعداد و شمار کے مطابق، گزشتہ سال کے مقابلے میں رواں سال امریکی شہریوں نے پیٹرول کی مد میں 74 ارب 40 کروڑ ڈالرز زائد خرچ کیے ہیں، جبکہ ڈیزل کے استعمال پر امریکی عوام کو 47 ارب 50 کروڑ ڈالرز کا اضافی مالی بوجھ برداشت کرنا پڑا ہے۔ معاشی ماہرین کا کہنا ہے کہ مشرقِ وسطیٰ میں جاری جنگ، بحری تجارتی راستوں پر کشیدگی اور خام تیل کی فراہمی میں تعطل کے باعث نہ صرف امریکہ اور یورپ میں مہنگائی کی لہر شدت اختیار کر رہی ہے بلکہ عالمی معیشت بھی شدید کساد بازاری کا شکار ہو سکتی ہے۔