بلاول بھٹو سے چوہدری یاسین اور راجہ پرویز اشرف کی الگ الگ ملاقاتیں

پاکستان پیپلز پارٹی (PPP) کے چیئرمین بلاول بھٹو زرداری سے پارٹی کے اہم رہنماؤں نے اسلام آباد میں زرداری ہاؤس میں الگ الگ ملاقاتیں کی ہیں، جن میں مجموعی سیاسی صورتحال اور جماعتی امور پر تفصیلی تبادلہ خیال کیا گیا۔

پیپلز پارٹی آزاد جموں و کشمیر کے صدر چوہدری یاسین نے بلاول بھٹو زرداری سے ملاقات کی، جس دوران آزاد جموں و کشمیر کے سے متعلق اہم سیاسی امور، خطے کی تازہ ترین صورتحال اور پارٹی تنظیم کے حوالے سے امور پر بات چیت کی گئی۔

دریں اثنا، پیپلز پارٹی پنجاب کے صدر اور سابق وزیراعظم راجہ پرویز اشرف نے بھی زرداری ہاؤس میں چیئرمین پی پی پی سے ملاقات کی۔ اس ملاقات میں پنجاب کی سطح پر سیاسی سرگرمیوں، تنظیمی تیاریوں اور آئندہ کے لائحہ عمل پر غور کیا گیا۔