مشرق وسطیٰ کی کشیدگی، عالمی مارکیٹ میں خام تیل 105 ڈالر فی بیرل سے تجاوز

مشرقِ وسطیٰ میں مسلسل بڑھتی ہوئی شدید جیو پولیٹیکل کشیدگی اور عالمی سطح پر ایندھن کی سپلائی متاثر ہونے کے شدید خدشات کے باعث عالمی منڈی میں خام تیل کی قیمتوں کو شدید پر لگی گئے ہیں۔ تازہ ترین کاروباری سیشن کے دوران بین الاقوامی مارکیٹ میں برینٹ خام تیل (Brent Crude) کی قیمت 105 ڈالر فی بیرل کی سطح سے بھی اوپر نکل گئی ہے۔ رپورٹس کے مطابق برینٹ خام تیل میں 4.19 ڈالر کا بڑا اضافہ ریکارڈ کیا گیا، جس کے بعد اس کی قیمت 105.4 ڈالر فی بیرل تک جا پہنچی۔

اسی طرح امریکی خام تیل ڈبلیو ٹی آئی (WTI) کی قیمت میں بھی 4.53 ڈالر کا زبردست اضافہ ہوا، جس کے بعد وہ 100.58 ڈالر فی بیرل کی سطح پر بند ہوئی۔ معاشی تجزیہ کاروں اور مارکیٹ ماہرین کے مطابق عالمی مارکیٹ میں ایندھن کے نرخوں میں اس اچانک اور بڑے کی بنیادی وجہ مشرقِ وسطیٰ کے حالیہ بحران، بالخصوص آبنائے ہرمز (Strait of Hormuz) سمیت دیگر اہم ترین سمندری تجارتی راستوں سے ایندھن کی ترسیل میں ممکنہ رکاوٹیں اور بحری ناکہ بندی کے خدشات ہیں، جس سے آنے والے دنوں میں عالمی معیشت اور افراطِ زر پر شدید دباؤ آنے کا امکان ہے۔