ایران کا آبنائے ہرمز کے قریب امریکی ایم کیو ون ڈرون مار گرانے کا دعویٰ

ایران نے آبنائے ہرمز کے قریب جنوب مشرقی ایرانی فضائی حدود میں پیش آنے والے ایک نئے واقعے کے دوران امریکہ کے جدید ایم کیو ون (MQ-1) بیڈرون کو تباہ کرنے کا باضابطہ دعویٰ کیا ہے۔ ایرانی مسلح افواج کے ترجمان اور مقامی میڈیا رپورٹس کے مطابق امریکی ڈرون جیسے ہی علاقے میں داخل ہوا، ایرانی فضائی دفاعی فورسز نے جدید ریڈار سسٹم کے ذریعے فوری طور پر اس کا سراغ لگایا اور اپنے دیسی فضائی دفاعی نظام (Air Defense System) کی مدد سے اسے ہدف بنا کر کامیابی سے زمین بوس کر دیا۔

ایرانی حکام اور فوجی جریدے کی جانب سے اس کارروائی کی باقاعدہ ویڈیو بھی جاری کی گئی ہے، جس میں ایرانی سیکیورٹی فورسز کو ڈرون پر دفاعی میزائل فائر کرتے اور اسے فضائی حدود میں تباہ کرتے ہوئے دیکھا جا سکتا ہے۔ تہران کی جانب سے یہ اقدام ایسے وقت میں سامنے آیا ہے جب آبنائے ہرمز میں تجارتی راستوں کے تحفظ اور خطے میں بڑھتے ہوئے عسکری تناؤ کی وجہ سے تہران اور واشنگٹن کے مابین شدید کشیدگی پائی جاتی ہے۔ ایرانی سیکیورٹی حکام کا کہنا ہے کہ وہ ملک کی جغرافیاہی حدود اور فضائی قلمرو کی ہر قیمت پر حفاظت یقینی بنائیں گے۔