ایران کا آبنائے ہرمز سے پابندیاں عائد کرنے والوں کی آمدورفت روکنے کا منصوبہ منظور

ایران کی پارلیمنٹ کی قومی سلامتی و خارجہ پالیسی کمیٹی نے آبنائے ہرمز سے ایران پر پابندیاں عائد کرنے والے ممالک، کمپنیوں اور افراد کی آمدورفت روکنے کا اہم منصوبہ منظور کر لیا ہے۔ اس نئے منصوبے کے تحت ایران مخالف پالیسیاں اپنانے والے تمام ممالک، نجی اور سرکاری کمپنیوں اور افراد کے بحری جہازوں کو آبنائے ہرمز سے گزرنے کی کوئی اجازت نہیں ہوگی، جبکہ ان اداروں یا شخصیات سے منسلک تمام تجارتی ترسیلات اور کارگو پر بھی مکمل پابندی عائد ہوگی۔

کمیٹی کی جانب سے جاری کردہ بیان میں مزید کہا گیا ہے کہ سپریم نیشنل سیکیورٹی کونسل ان تمام ممالک، اداروں اور افراد کا تعین کرے گی جنہوں نے ایران کے خلاف پابندیاں عائد کی ہیں یا اس کے اثاثے منجمد کر رکھے ہیں۔ اس کے علاوہ کمیٹی نے آبنائے ہرمز کے تحفظ، سلامتی اور ترقی کے لیے تیار کردہ ‘اسٹریٹجک ایکشن پلان’ کی شق 9 کی بھی باضابطہ منظوری دے دی ہے، جس کے تحت اس اہم ترین بحری راہداری میں سخت سیکیورٹی کنٹرول نافذ کیا جائے گا