ایران کے راستے غیر قانونی عراق جانیوالے 17 مسافروں کیخلاف مقدمہ درج

ایف آئی اے اسلام آباد نے ایران کے راستے غیر قانونی طور پر عراق جانے والے 17 مسافروں کے خلاف پاسپورٹ ایکٹ کے تحت مقدمہ درج کر لیا ہے۔ اسلام آباد ایئرپورٹ پر امیگریشن کلیئرنس کے دوران ان مسافروں کا نام پی این آئی ایل (PNIL) پر ہٹ ہونے پر انہیں حراست میں لیا گیا۔ ابتدائی تفتیش میں ملزمان نے اعتراف کیا کہ انہوں نے ایجنٹ کامل حسین کو فی کس 1 لاکھ 20 ہزار روپے ادا کیے تھے، تاہم عراق پہنچنے پر مقامی پولیس نے انہیں حراست میں لے کر جرمانہ عائد کیا اور بعد ازاں پاکستان ڈی پورٹ کر دیا۔ ایف آئی اے حکام کے مطابق مقدمے کی تفتیش انسپکٹر محمد عظیم کے سپرد کر دی گئی ہے اور انسانی تسکیر میں ملوث ایجنٹ و دیگر سہولت کاروں کی گرفتاری کے لیے کارروائیاں جاری ہیں۔