پاکستان، ترکیہ اور سعودیہ مشترکہ سلامتی و اجتماعی دفاع کیلئے متحد ہیں: وزیراعظم
Web Desk
30 August 2026
اسلام آباد: وزیراعظم شہباز شریف نے ترکیہ کے 104ویں یومِ فتح (Victory Day) کے موقع پر ترک صدر رجب طیب اردوان، حکومت اور عوام کو مبارکباد پیش کرتے ہوئے کہا ہے کہ پاکستان، ترکیہ اور سعودی عرب خطے کی مشترکہ سلامتی اور اجتماعی دفاع کے لیے مکمل طور پر متحد ہیں۔
30 اگست کے تاریخی دن پر اپنے خصوصی پیغام میں وزیراعظم شہباز شریف نے کہا کہ یہ دن غازی مصطفیٰ کمال اتاترک کی شاندار قیادت میں ترک قوم کی تاریخی فتح کی یاد دلاتا ہے۔ انہوں نے کہا کہ پاکستان کی عوام ترک بھائیوں کی جرأت، استقلال اور قومی عزم کی عظیم میراث کو خراجِ تحسین پیش کرتی ہے۔ انہوں نے اس بات پر زور دیا کہ پاکستان اور ترکیہ کے تعلقات محض سفارتی نہیں بلکہ دلوں کے رشتے ہیں جو صدیوں پر محیط مشترکہ ایمان، تہذیب اور تاریخ سے جڑے ہوئے ہیں۔
وزیراعظم نے مکہ مکرمہ مشترکہ دفاعی معاہدے کو پاک ترک اور سعودی سٹریٹجک شراکت داری کا عملی اظہار قرار دیتے ہوئے کہا کہ پاکستان ان تعلقات کو دفاع، معیشت اور دیگر تمام شعبوں میں مزید مضبوط اور گہرا کرنے کے لیے پرعزم ہے۔ انہوں نے کہا کہ دونوں ممالک کی مشترکہ خوشحالی اور مضبوط سلامتی حکومت کا حتمی عزم ہے، اور پاک ترک دوستی و بھائی چارے کا یہ برادرانہ رشتہ نسل در نسل مزید پائیدار ہوتا رہے گا۔
متعلقہ عنوانات
پنجاب حکومت نے اینٹی ریپ ایکٹ لانے اور خصوصی عدالتیں قائم کرنے کا فیصلہ کر لیا، عظمیٰ بخاری
16 November 2026
سالک حسین کا مریم نواز کو قانونی جواب، 2 نوٹس بھی بھجوا دیے
16 November 2026
ماسکو پر رواں سال کے بڑے حملوں میں سے ایک ناکام، سیکڑوں ڈرون تباہ
16 November 2026
بانی پی ٹی آئی کا چیف جسٹس سپریم کورٹ، چیف جسٹس وفاقی آئینی عدالت اور چیف جسٹس اسلام آباد ہائیکورٹ کے نام اڈیالہ جیل سے کھلا خط
16 November 2026
اسلام آباد ہائی کورٹ میں پیش ہونے والے وکلاء کے لیے گاؤن پہننا لازمی قرار
16 November 2026
بشریٰ بی بی کو علاج کے لیے ہسپتال منتقل کرنے کی درخواست اسلام آباد ہائیکورٹ میں دائر؛ مکمل طبی ریکارڈ طلب
16 November 2026
کے پی میں 3 ایم پی او حراست اور گورنر راج کیس؛وفاقی آئینی عدالت میں فریق بننے کے لیے متفرق درخواستیں دائر کر دیں
16 November 2026
پشاور ہائیکورٹ کو ایمرجنسی اور ایم پی او کے علاوہ آرٹیکل 199 کے دیگر مقدمات سننے کی اجازت مل گئی
16 November 2026