ٹاسک فورس برائے بحری اصلاحات، ملکی بندرگاہوں کی بہتری میں اہم پیشرفت

وزیراعظم ٹاسک فورس برائے بحری اصلاحات کے تحت پاکستانی بندرگاہوں کی کارکردگی اور تجارتی استعداد میں اضافے کے لیے اہم پیش رفت جاری ہے۔ بندرگاہی نظام میں شفافیت اور رفتار لانے کے لیے جدید سکیننگ سہولیات، 24 گھنٹے آپریشنز، سی سی ٹی وی نگرانی اور پورٹیبل ویئنگ سکیلز سمیت مؤثر انتظامی اقدامات کیے جا رہے ہیں۔ اس کے علاوہ ہنرمند افرادی قوت تیار کرنے کے لیے عالمی معیار کا خصوصی تربیتی ادارہ قائم کرنے کا منصوبہ بنایا گیا ہے، جبکہ این ایل سی سمیت دیگر ادارے بندرگاہوں، آف ڈاک ٹرمینلز اور کسٹمز سٹیشنز کی سالانہ اور اچانک تفتیش کے لیے مربوط نگرانی یقینی بنائیں گے۔ ان جدید اصلاحات سے پاکستان کی تجارتی صلاحیت اور عالمی مسابقت میں نمایاں بہتری آئے گی۔