آزاد کشمیر میں عوام نے انتشار اور تشدد کی سیاست کو مسترد کر دیا: مریم نواز

وزیراعلیٰ پنجاب مریم نواز نے مری میں مسلم لیگ (ن) کے پارلیمانی اجلاس سے خطاب کرتے ہوئے کہا ہے کہ آزاد کشمیر کے انتخابات میں مسلم لیگ (ن) نے کامیابی حاصل کر کے اپنی اکثریت واپس چھین لی ہے اور ثابت کر دیا ہے کہ عوام نے شرپسند عناصر، انتشار اور تشدد کی سیاست کو مکمل طور پر مسترد کر دیا ہے۔ انہوں نے انتخابی مہم میں محنت کرنے پر پارٹی رہنماؤں اور کارکنوں کا شکریہ ادا کرتے ہوئے کہا کہ اب ان کا اصل امتحان حکومت بنا کر عوام کی بلا تاخیر خدمت کرنا ہے۔ پیپلز پارٹی پر تنقید کرتے ہوئے مریم نواز نے کہا کہ سندھ میں 17 سال سے قائم حکومت خستہ حال سڑکوں اور گندگی کی ذمہ دار ہے جبکہ الیکشن جیتنے پر پیپلز پارٹی کی جانب سے دھاندلی کے الزامات لگانا افسوسناک ہے۔