یومِ آزادی پر مسلح افواج کا وطن کے دفاع، امن اور روشن مستقبل کے عزم کا اعادہ

یومِ آزادی کے موقع پر مسلح افواج پاکستان نے وطنِ عزیز کی سلامتی، خودمختاری، امن اور ترقی کے عزم کا اعادہ کرتے ہوئے کہا ہے کہ ملکی دفاع اور قوم کی حفاظت ان کا اولین فرض ہے۔ پاک فوج کے جوانوں نے پیغام دیا ہے کہ وہ دشوار گزار پہاڑی راستوں اور سرحدوں پر دشمن کے سامنے مضبوط دیوار کی مانند چاک و چوبند کھڑے ہیں اور آخری سانس تک پاکستان کو محفوظ اور ناقابلِ تسخیر رکھیں گے۔ جوانوں کا کہنا تھا کہ وہ صرف اس سرزمین کے محافظ ہی نہیں بلکہ پاکستان کے روشن مستقبل اور عوام کے خوابوں کے نگہبان بھی ہیں، جبکہ امن و امان کے قیام، قومی ترقی اور خوشحال پاکستان کے خواب کی تکمیل کے لیے اپنا بھرپور کردار جاری رکھیں گے۔