انمول پنکی کا دوران تفتیش منشیات کا نیٹ ورک چلانے کا اعتراف

کراچی پولیس نے ایڈیشنل ڈسٹرکٹ اینڈ سیشن جج جنوبی کی عدالت میں ملزمہ انمول پنکی کے خلاف سال 2018 کے منشیات برآمدگی کیس کا ضمنی چالان جمع کروا دیا ہے۔ چالان کے مطابق ملزمہ نے دورانِ تفتیش اعتراف کیا ہے کہ وہ منشیات کے ایک منظم نیٹ ورک کی سرغنہ کے طور پر کام کر رہی تھی۔ پولیس نے بتایا کہ ملزمہ 2018 سے مفرور تھی جبکہ اسی کیس میں اس کا بھائی ناصر پہلے ہی بری ہو چکا ہے۔ عدالت میں جمع کروائے گئے چالان میں دو دیگر ملزمان، میسر علی اور عین اللہ کو بھی مفرور قرار دیا گیا ہے۔