LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ایرانی فوج کا آبنائے ہرمز میں امریکی MQ-1 ڈرون مار گرانے کا دعویٰ یوکرینی صدر زیلنسکی کا امریکی اور یورپی نمائندوں سے نئے مذاکرات کا انکشاف حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی 10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق شاہ سلمان کا نئی عسکری تقرریوں کا شاہی فرمان جاری، اہم عہدوں پر تبدیلیاں پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار ای سی او ممالک کے درمیان علاقائی تعاون، معاشی انضمام کے فروغ کیلئے پرعزم ہیں: وزیراعظم ایم کیو ایم پاکستان کا وزیراعلیٰ سندھ مراد علی شاہ سے پھر استعفے کا مطالبہ بانی پی ٹی آئی اور بشریٰ بی بی کی جیل میں ملاقات کرا دی گئی

دہشت گردی ایک ناسور، ہمارے شہداء قوم کے ہیرو ہیں: بیرسٹر گوہر خان کی میڈیا سے گفتگو

Web Desk

14 July 2026

پاکستان تحریک انصاف (پی ٹی آئی) کے چیئرمین بیرسٹر گوہر علی خان نے اڈیالہ روڈ داہگل ناکے پر میڈیا سے گفتگو کرتے ہوئے واضح کیا ہے کہ دہشت گردی ایک ناسور ہے اور ہمارے شہداء قوم کے ہیرو ہیں۔ انہوں نے کہا کہ فوج کے جوان اپنی جانوں کا نذرانہ پیش کر رہے ہیں، اور دنیا کے تمام خزانے بھی شہداء کی قربانیوں کا نعم البدل نہیں ہو سکتے۔ بیرسٹر گوہر کا کہنا تھا کہ سیاسی رہنماؤں کو شہداء کو سیاست میں نہیں گھسیٹنا چاہیے، اور سیاست دانوں کو اپنے جوشِ خطابت میں الفاظ کے چناؤ میں احتیاط برتنی چاہیے۔ انہوں نے مولانا فضل الرحمٰن کے خطاب کے حوالے سے کہا کہ وہ شہداء پر ان کی گفتگو سے متفق نہیں ہیں۔

خارجہ امور اور پڑوسی ممالک پر بات کرتے ہوئے بیرسٹر گوہر نے کہا کہ بی ایل اے دراصل ہندوستان اور ‘را’ ہے اور پوری قوم ان کے خلاف متحد ہے۔ مئی 2025 کی پسپائی کے بعد ہندوستان پاکستان میں پراکسی وار شروع کرنا چاہتا ہے۔ انہوں نے افغانستان پر مایوسی کا اظہار کرتے ہوئے کہا کہ گزشتہ 40 سال میں افغانستان نے پاکستان کو مایوس کیا، حالانکہ ہم نے ہمیشہ ان کا ساتھ دیا۔ اگر افغانستان کا ڈی این اے ہمارے دشمن سے ملتا ہے تو انہوں نے خود سوچنا ہے کہ ہمارے ساتھ کیسے چلنا ہے۔

داخلی معاملات پر بات کرتے ہوئے انہوں نے کہا کہ بانی پی ٹی آئی کی بہنیں سسٹم سے مایوس ہو کر باہر نکلی ہیں، اور اپنے بھائی کے لیے اسٹریٹ موومنٹ چلانا ان کا حق ہے۔ انہوں نے خواہش ظاہر کی کہ علیمہ خان کے کیس میں جلد بازی نہ کی جائے کیونکہ بانی اور ان کے بھانجے کے بعد علیمہ خان کو بھی جیل میں ڈالنے سے اچھا تاثر نہیں جائے گا۔ بیرسٹر گوہر نے بتایا کہ گزشتہ 270 دن سے بانی پی ٹی آئی سے کسی کی ملاقات نہیں ہو رہی، ہماری مانگ ہے کہ فیملی کی ملاقاتیں بحال کی جائیں۔

دوسری جانب، اڈیالہ جیل میں بانی پی ٹی آئی سے ملاقات کا وقت ختم ہو گیا ہے اور کسی پارٹی رہنما یا فیملی ممبر کو ملاقات کی اجازت نہیں مل سکی۔ علیمہ خان چترال میں ہونے کے باعث غیر حاضر تھیں کیونکہ انہوں نے پہلے ہی سب کو اڈیالہ روڈ آنے سے منع کیا تھا۔ تاہم، بانی کی دو بہنیں نورین نیازی اور ڈاکٹر عظمیٰ نے نالے کے حفاظتی پشتے پر دھرنا دے رکھا ہے۔ اڈیالہ روڈ پر کارکنوں کی تعداد انتہائی کم ہے اور ٹریفک معمول کے مطابق رواں دواں ہے۔