مستقبل کی جنگیں نئی حکمت عملیوں کی متقاضی ہیں: نیول چیف ایڈمرل نوید اشرف
Web Desk
24 June 2026
پاک بحریہ کے سربراہ ایڈمرل نوید اشرف نے کہا ہے کہ مستقبل کی جنگوں کے تقاضے روایتی جنگی حکمت عملیوں پر نظرثانی اور جدید ٹیکنالوجی سے آراستہ، ف طور پر مضبوط افرادی قوت کی تیاری کے متقاضی ہیں۔ انٹر سروسز پبلک ریلیشنز (آئی ایس پی آر) کے مطابق چیف آف دی نیول اسٹاف ایڈمرل نوید اشرف نے پاکستان نیوی وار کالج لاہور کا اہم دورہ کیا، جہاں انہوں نے 55ویں پاکستان نیوی سٹاف کورس کے شرکا سے خصوصی خطاب کیا۔
نیول چیف نے اپنے خطاب کے دوران جدید جنگی ماحول کی بدلتی ہوئی نوعیت اور سمندری سلامتی کو درپیش ابھرتے ہوئے خطرات پر تفصیلی روشنی ڈالی۔ ان کا کہنا تھا کہ روایتی اور غیر روایتی چیلنجز سے مؤثر انداز میں نمٹنے کے لئے سٹریٹجک حکمت عملیوں کو نئے تقاضوں کے مطابق ڈھالنا وقت کی اہم ضرورت بن چکا ہے۔
امیر البحر ایڈمرل نوید اشرف نے سمندری حدود کے تحفظ اور پاک بحریہ کے سٹریٹجک عزم کو ان اہم نکات میں واشگاف کیا:
پاک بحریہ جدیدیت، مقامی سطح پر دفاعی صلاحیتوں کے فروغ (انڈیجنائزیشن) اور تینوں مسلح افواج کے درمیان مشترکہ آپریشنل تعاون کے لیے مکمل پرعزم ہے۔
-
بحرِ ہند کا خطہ تیزی سے بدلتی ہوئی جغرافیائی و سیاسی (جیو پولیٹیکل) صورتحال اور بڑی طاقتوں کے مابین بڑھتی ہوئی رقابت کے باعث ایک انتہائی حساس اور مسابقتی خطہ بن چکا ہے، جس کے اثرات علاقائی سلامتی کے ماحول پر براہِ راست مرتب ہو رہے ہیں۔
انہوں نے کورس کے شرکا پر زور دیا کہ وہ ملکی دفاع کی خاطر اپنی اسٹریٹجک بصیرت اور آپریشنل صلاحیتوں کو مزید جلا بخشیں تاکہ مستقبل کے کسی بھی چیلنج کا مؤثر اور دندان شکن مقابلہ کیا جا سکے۔ اپنے اختتامی کلمات میں ایڈمرل نوید اشرف نے 55ویں پاکستان نیوی اسٹاف کورس کے شرکا کو کورس کی کامیاب تکمیل پر مبارکباد دی اور انہیں پیشہ ورانہ مہارت، گہرے تجزیاتی رجحان اور جدت پسندی کو اپنی آئندہ ذمہ داریوں کا بنیادی محور بنانے کی تلقین کی۔
متعلقہ عنوانات
حسینہ واجد کی واپسی کے اعلان پر بنگلہ دیش میں ہنگامے، نیم فوجی اہلکار تعینات
19 November 2026
راولاکوٹ: مسلح حملے میں شہید ڈپٹی سپرنٹنڈنٹ رینجرز کی نمازِ جنازہ ادا
19 November 2026
معاون خصوصی وزیر اعلیٰ ثانیہ عاشق کا آٹزم سکول گوجرانوالہ کا دورہ
19 November 2026
لاہور کو 2027 کیلئے ای سی او ٹورازم کیپیٹل کا اعزاز مل گیا
19 November 2026
میرے بھتیجے کو ناحق 60 سال سزا دی گئی، مہربانی کی جائے: شیخ رشید
19 November 2026
خیبرپختونخوا میں سکیورٹی فورسز کی کارروائیاں، فتنہ الخوارج کے 22 دہشتگرد ہلاک
19 November 2026
حوثی ملیشیا کا ریاض پر میزائل حملہ، سعودی اتحاد نے نقصان کی تصدیق کردی
19 November 2026
پاکستان اور مالدیپ کا تجارت کے فروغ کیلئے مشترکہ ورکنگ گروپ قائم کرنے پر اتفاق
19 November 2026