LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
امریکی وزیر خارجہ نے ایران کے ڈرٹی بم حملے کی اطلاعات مسترد کر دیں اے سی سی ایشیا کپ رائزنگ سٹارز ٹرافی کی رونمائی کر دی گئی بچوں کے استحصال میں ملوث افراد کیلئے نیا ایکٹ لائیں گے: مریم نواز سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا

ریاست کے خلاف اکسانے کی اجازت کسی صورت نہیں دی جا سکتی: کشمیری قیادت

Web Desk

20 June 2026

اسلام آباد: سابق وزیراعظم آزاد کشمیر سردار عتیق احمد، مسلم لیگ (ن) آزاد کشمیر کے صدر شاہ غلام قادر اور پاکستان پیپلز پارٹی آزاد کشمیر کی رہنما نبیلہ ایوب سمیت دیگر سیاسی قیادت نے اسلام آباد میں ایک اہم مشترکہ پریس کانفرنس کرتے ہوئے آزاد کشمیر کی موجودہ صورتحال پر سخت تشویش کا اظہار کیا ہے۔ سیاسی رہنماؤں کا کہنا ہے کہ کالعدم ایکشن کمیٹی عوامی حقوق کی آڑ میں کسی اور کا ایجنڈا چلا رہی ہے، اور ریاستِ پاکستان یا پاک فوج کے خلاف بغاوت کی بات کرنے والے عناصر کو کسی صورت معاف نہیں کیا جانا چاہیے بلکہ انہیں سرعام پھانسی دی جانی چاہیے۔

سابق وزیراعظم سردار عتیق احمد نے میڈیا سے گفتگو کرتے ہوئے کہا کہ آزاد کشمیر کے عوام مخلص اور محب وطن ہیں، لیکن چند شرپسند عناصر انہیں ریاست کے خلاف اکسا رہے ہیں جس کی اجازت نہیں دی جا سکتی۔ انہوں نے واضح کیا کہ کشمیریوں کا پاک فوج کے ساتھ رشتہ قیامِ پاکستان سے بھی پہلے کا ہے اور یہ کسی عہدے یا مراعات کا محتاج نہیں؛ پاک فوج نے ہمیشہ کشمیریوں پر اعتماد کرتے ہوئے انتہائی حساس علاقوں کی ذمہ داری ان کے سپرد کی ہے۔ انہوں نے مزید کہا کہ حکومت نے ہمیشہ صبر و تحمل کا مظاہرہ کیا ہے، لیکن جرائم اور انتشار پھیلانے والے قانون کی گرفت سے بچ نہیں سکیں گے۔ ان کا کہنا تھا کہ پاکستان کی معیشت اور مسلح افواج کی عالمی اہمیت کو دنیا تسلیم کرتی ہے، جو حرمین شریفین کے دفاع میں بھی صفِ اول میں کھڑی ہے۔

اس موقع پر مسلم لیگ (ن) آزاد کشمیر کے صدر شاہ غلام قادر نے پریس کانفرنس کو بتایا کہ حکومتِ پاکستان نے آزاد کشمیر کے عوام کو پاکستان کے مقابلے میں سستا آٹا اور بجلی فراہم کر کے ریلیف دیا، لیکن کالعدم ایکشن کمیٹی انتشار پھیلانے پر تلی ہوئی ہے۔ انہوں نے انکشاف کیا کہ ان عناصر نے ہسپتالوں کو نشانہ بنایا اور پاک فوج میں خدمات انجام دینے والے کشمیریوں کو بغاوت پر اکسانے کی مذموم کوشش کی، تاہم آزاد کشمیر کے 99 فیصد عوام آج بھی پاکستان کے ساتھ مضبوطی سے کھڑے ہیں اور انہوں نے اس ٹولے کو مسترد کر دیا ہے۔

پیپلز پارٹی کی رہنما نبیلہ ایوب نے بھی سخت الفاظ میں مذمت کرتے ہوئے کہا کہ پاک فوج کا جوان ملک کی سرحدوں کا محافظ ہے، اور چند گنے چنے لوگ پاکستان مخالف ایجنڈے پر کام کر رہے ہیں جن سے کشمیری عوام کا کوئی تعلق نہیں۔ پریس کانفرنس کے دوران میڈیا کو ایک دستاویزی ویڈیو بھی دکھائی گئی، جس میں کالعدم ایکشن کمیٹی کی جانب سے سکیورٹی اہلکاروں پر کیے جانے والے تشدد اور ریاست مخالف بیانیے کے ناقابلِ تردید ثبوت پیش کیے گئے۔