بنوں کے نیم قبائلی علاقے میں یکے بعد دیگرے دو دھماکے، 7 افراد جاں بحق
Web Desk
20 June 2026
بنوں: بنوں کے نیم قبائلی علاقے برغنتو میں تھانہ احمد زائی کی حدود میں ہونے والے دو یکے بعد دیگرے دھماکوں کے نتیجے میں 7 افراد جاں بحق اور بچوں سمیت 3 افراد زخمی ہو گئے ہیں۔ ڈی پی او بنوں یاسر آفریدی کے مطابق، پہلا دھماکہ سڑک کنارے نصب آئی ای ڈی (IED) کے ذریعے ہاتھی خیل قوم کے مسافروں سے بھری ایک ڈاٹسن گاڑی کے قریب کیا گیا، اور جب جائے وقوعہ پر امدادی سرگرمیاں جاری تھیں تو اسی دوران وہاں دوسرا دھماکہ ہو گیا۔ دھماکے کی زد میں آ کر سب ڈویژن وزیر کے تحصیلدار عابد اللہ کی گاڑی کو بھی شدید نقصان پہنچا، تاہم خوش قسمتی سے وہ اس حملے میں محفوظ رہے۔
ڈی پی او نے مزید بتایا کہ سکیورٹی اداروں نے فوری طور پر موقع پر پہنچ کر علاقے کو گھیرے میں لے لیا ہے، اور شواہد اکٹھے کرنے کے بعد شرپسندوں کے خلاف بڑے پیمانے پر سرچ آپریشن شروع کر دیا گیا ہے۔ ریسکیو ذرائع کے مطابق، جاں بحق ہونے والے افراد کی لاشوں کو قریبی رورل ہیلتھ سینٹر (RHC) اور زخمیوں کو خلیفہ گل نواز (KGN) ہسپتال منتقل کر دیا گیا ہے، جہاں زخمیوں کو طبی امداد فراہم کی جا رہی ہے۔
متعلقہ عنوانات
امریکی وزیر خارجہ نے ایران کے ڈرٹی بم حملے کی اطلاعات مسترد کر دیں
18 November 2026
اے سی سی ایشیا کپ رائزنگ سٹارز ٹرافی کی رونمائی کر دی گئی
18 November 2026
بچوں کے استحصال میں ملوث افراد کیلئے نیا ایکٹ لائیں گے: مریم نواز
18 November 2026
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026