LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
امریکی وزیر خارجہ نے ایران کے ڈرٹی بم حملے کی اطلاعات مسترد کر دیں اے سی سی ایشیا کپ رائزنگ سٹارز ٹرافی کی رونمائی کر دی گئی بچوں کے استحصال میں ملوث افراد کیلئے نیا ایکٹ لائیں گے: مریم نواز سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا

غزہ سنگین انسانی بحران کا شکار، سلامتی کونسل فوری اقدامات اٹھائے: پاکستان

Web Desk

20 June 2026

نیویارک: اقوامِ متحدہ میں پاکستان کے مستقل مندوب عاصم افتخار احمد نے سلامتی کونسل کے ہنگامی اجلاس سے خطاب کرتے ہوئے کہا ہے کہ غزہ بدستور سنگین انسانی بحران کا شکار ہے اور وہاں کے شہری شدید مشکلات کا سامنا کر رہے ہیں۔ انہوں نے خبردار کیا کہ جنگ بندی کی بار بار خلاف ورزیوں نے عام شہریوں کی مصائب میں اضافہ کر دیا ہے، جہاں لاکھوں افراد بھوک کا شکار ہیں اور 10 لاکھ سے زائد بچے غذائی قلت، صحت اور تعلیم کی سہولیات سے محروم ہو چکے ہیں۔ پاکستانی سفیر نے زور دیا کہ سلامتی کونسل کی قرارداد 2803 پر مکمل عمل درآمد یقینی بناتے ہوئے مستقل جنگ بندی، بلا رکاوٹ انسانی امداد کی فراہمی اور فلسطینیوں کے حقِ خودارادیت کے لیے وقت کے تعین کے ساتھ ایک سیاسی عمل کا آغاز کیا جائے۔ انہوں نے مغربی کنارے کی بگڑتی صورتحال، آبادکاروں کے تشدد اور غیر قانونی اسرائیلی بستیوں کی توسیع پر بھی گہری تشویش کا اظہار کیا۔

پاکستانی مندوب نے مطالبہ کیا کہ بین الاقوامی قوانین اور سلامتی کونسل کی قراردادوں کے مطابق امدادی سامان پر عائد تمام پابندیاں ختم کی جائیں اور رفح سمیت تمام سرحدی گزرگاہیں تجارتی و طبی انخلا کے لیے کھولی جائیں۔ انہوں نے غزہ کے برسوں پرانے محاصرے کو بین الاقوامی قانون اور چوتھے جنیوا کنونشن کی واضح خلاف ورزی قرار دیتے ہوئے کہا کہ انسانی امداد کو کبھی بھی بطور ہتھیار استعمال نہیں کیا جانا چاہئے اور محاصرہ فوری ختم ہونا چاہئے۔ عاصم افتخار نے عالمی برادری پر مالی وسائل کی کمی دور کرنے کے لیے زور دیتے ہوئے کہا کہ اقوام متحدہ کی 2026ء کی ہنگامی اپیل کو اب تک صرف 12 فیصد فنڈز مل سکے ہیں، لہٰذا ‘غزہ تعمیرِ نو و ترقی فنڈ’ (GRAD) کے تحت 17 ارب ڈالر کے وعدوں کو فوری پورا کیا جائے۔ انہوں نے اعادہ کیا کہ مسئلہ فلسطین کا واحد حل 1967ء سے قبل کی سرحدوں پر مبنی ایک آزاد اور خودمختار فلسطینی ریاست کا قیام ہے، جس کا دارالحکومت القدس الشریف ہو۔