سعودی ولی عہد کی امن معاہدے کی کامیاب تکمیل پر شہباز شریف کو مبارکباد، فیلڈ مارشل کی کوششیں اہم سبب قرار
Web Desk
19 June 2026
اسلام آباد: وزیراعظم محمد شہباز شریف اور سعودی عرب کے ولی عہد و وزیراعظم شہزادہ محمد بن سلمان کے درمیان ٹیلی فون پر رابطہ ہوا ہے، جس میں دونوں رہنماؤں نے ایک دوسرے کو تاریخی ‘اسلام آباد امن معاہدے’ کی کامیاب تکمیل پر مبارکباد پیش کی۔ سعودی ولی عہد محمد بن سلمان نے پاکستان کی مسلح افواج کے سربراہ فیلڈ مارشل سید عاصم منیر کی انتھک کوششوں کو اس امن معاہدے کی کامیابی کا اہم ترین سبب قرار دیا۔ وزیراعظم شہباز شریف نے پاکستان کی امن کوششوں میں سعودی عرب کی مستقل اور غیر متزلزل حمایت پر ولی عہد کا شکریہ ادا کرتے ہوئے کہا کہ سعودی عرب اور خلیجی ممالک کی بھرپور تائید کے بغیر ایران اور امریکہ کے درمیان یہ تاریخی معاہدہ ممکن نہیں تھا۔
گفتگو کے دوران دونوں رہنماؤں نے ایران اور امریکہ کے درمیان آئندہ کے مذاکراتی عمل کو کامیاب بنانے کے عزم کا اظہار کیا اور خبردار کیا کہ امن عمل کو سبوتاژ کرنے کی کسی بھی کوشش کے خلاف مکمل طور پر چوکس رہا جائے گا۔ وزیراعظم نے پاک سعودی بہترین دوطرفہ تعلقات پر اطمینان کا اظہار کرتے ہوئے بتایا کہ دونوں ممالک جلد ہی ایک جامع اقتصادی پیکیج کو حتمی شکل دے کر اس پر دستخط کریں گے، جو سعودی ولی عہد کی ذاتی سرپرستی میں مکمل کیا جا رہا ہے۔ شہباز شریف نے ولی عہد کو دورہ پاکستان کی دعوت کا اعادہ کیا اور خادم الحرمین الشریفین شاہ سلمان بن عبدالعزیز کے لیے نیک تمناؤں کا پیغام بھیجا۔ دونوں رہنماؤں نے مستقبل میں بھی قریبی رابطے اور تعاون جاری رکھنے پر اتفاق کیا۔
متعلقہ عنوانات
امریکی وزیر خارجہ نے ایران کے ڈرٹی بم حملے کی اطلاعات مسترد کر دیں
18 November 2026
اے سی سی ایشیا کپ رائزنگ سٹارز ٹرافی کی رونمائی کر دی گئی
18 November 2026
بچوں کے استحصال میں ملوث افراد کیلئے نیا ایکٹ لائیں گے: مریم نواز
18 November 2026
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026