LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
الاسکا میں ڈیموکریٹس نے سینیٹ کی ایک اور نشست چھین لی، میری پیلٹولا کامیاب پاکستان اور چین کا قانون نافذ کرنے والے اداروں میں معاونت بڑھانے پر اتفاق بنگلہ دیش کے ساتھ اپنے تعلقات کو مزید مستحکم بنانے کیلئے پرعزم ہیں: اسحاق ڈار ایرانی فوج کی کویت میں امریکی پیٹریاٹ دفاعی نظام پر ڈرون حملوں کی تصدیق امریکی وزیر خارجہ نے ایران کے ڈرٹی بم حملے کی اطلاعات مسترد کر دیں اے سی سی ایشیا کپ رائزنگ سٹارز ٹرافی کی رونمائی کر دی گئی بچوں کے استحصال میں ملوث افراد کیلئے نیا ایکٹ لائیں گے: مریم نواز سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا

پچھلے سال کے بجٹ نے 116 لوگوں کی جان لی ، سینیٹر عون عباس

Web Desk

15 June 2026

سینیٹ کے اہم اجلاس میں سینیٹر عون عباس نے ملکی معاشی صورتحال، بڑھتی ہوئی مہنگائی اور وفاقی بجٹ کے غریب کش اثرات پر حکومت کو آڑے ہاتھوں لیا ہے۔ انہوں نے ایوان میں دل دہلا دینے والے اعداد و شمار پیش کرتے ہوئے کہا کہ پاکستان میں محض ایک سال کے دوران 116 افراد نے شدید غربت اور معاشی تنگدستی کے باعث موت کو گلے لگا لیا، جس کا مطلب یہ ہے کہ پچھلے سال کے بجٹ کی سخت ترین پالیسیوں نے ان 116 معصوم لوگوں کی جان لی ہے۔ انہوں نے اقوامِ متحدہ (یو این او) کی رپورٹ کا حوالہ دیتے ہوئے انکشاف کیا کہ اس وقت پاکستان میں ساڑھے گیارہ کروڑ سے زائد عوام غربت کی لکیر سے نیچے زندگی گزارنے پر مجبور ہیں، جبکہ حکومتی معیار کے مطابق محض 8 ہزار روپے ماہانہ کمانے والے شخص کو بھی امیر تصور کیا جا رہا ہے جو کہ زمینی حقائق کے ساتھ سنگین مذاق ہے۔

سینیٹر عون عباس نے پیٹرولیم مصنوعات پر عائد بھاری ٹیکسوں پر کڑی تنقید کرتے ہوئے کہا کہ حکومت نے عوام پر 1700 ارب روپے کی خطیر پیٹرولیم لیوی مسلط کر دی ہے، جس کے نتیجے میں ملک کا غریب ترین آدمی بھی پیٹرول خریدتے وقت 116 روپے فی لیٹر صرف لیوی کی مد میں قومی خزانے میں جمع کراتا ہے۔ حکومت کو ماضی کی کارکردگی یاد دلاتے ہوئے انہوں نے کہا کہ عالمی وبا کرونا ہمارے دورِ حکومت میں آئی تھی لیکن ہم نے معیشت اور غریب کو اس طرح لاوارث نہیں چھوڑا۔ انہوں نے مزید کہا کہ پاکستان کی 24 فیصد معیشت کا دارومدار زراعت پر ہے لیکن موجودہ بجٹ میں اس شعبے کی گروتھ صرف 4 فیصد بتائی گئی ہے، جو زراعت جیسے اہم ترین شعبے کے ساتھ حکومتی عدم توجہی کا منہ بولتا ثبوت ہے۔