دھمکیوں، دباؤ اور منفی پروپیگنڈے سے نہیں ڈریں گے، مومنہ اقبال
Web Desk
13 June 2026
پاکستانی شوبز انڈسٹری کی معروف اداکارہ مومنہ اقبال نے کہا ہے کہ وہ کسی بھی دباؤ، دھمکی یا منفی پروپیگنڈے کے آگے نہیں جھکیں گی اور اپنے مؤقف پر ثابت قدم رہیں گی۔
مومنہ اقبال نے انسٹاگرام پر اپنی بہن رمشا اقبال کی میڈیا سے گفتگو شیئر کرتے ہوئے ایک بیان جاری کیا، جس میں انہوں نے کہا کہ اب وہ صرف اپنے ذاتی معاملے کے لیے نہیں بلکہ ہر اس شخص کے لیے آواز اٹھا رہی ہیں جو ایسے حالات کا سامنا کرتا ہے۔
اداکارہ کا کہنا تھا کہ ان پر مختلف طریقوں سے دباؤ ڈالنے کی کوشش کی جا رہی ہے، تاہم وہ اپنی جدوجہد جاری رکھیں گی۔ ان کے مطابق ان کے ساتھ پیش آنے والا معاملہ انتہائی تکلیف دہ ہے، لیکن وہ خاموش نہیں ہوں گی۔
انہوں نے بغیر کسی کا نام لیے الزام عائد کیا کہ حقیقت کا سامنا کرنے کے بجائے مالی وسائل کے ذریعے منفی مہمات چلائی جا رہی ہیں اور سوشل میڈیا پر جھوٹا بیانیہ تشکیل دیا جا رہا ہے تاکہ اصل معاملے کو متاثر کیا جا سکے۔
دوسری جانب رمشا اقبال نے بھی میڈیا سے گفتگو میں دعویٰ کیا کہ انہیں اور ان کی بہن کو مسلسل دھمکیاں اور خوفزدہ کرنے کی کوشش کی جا رہی ہے، جس سے صورتحال مزید سنگین ہو گئی ہے۔
یاد رہے کہ اس معاملے پر نیشنل سائبر کرائم انویسٹی گیشن ایجنسی نے ثاقب چدھڑ کے خلاف مقدمہ درج کر رکھا ہے، جبکہ اداکارہ مومنہ اقبال حالیہ شادی کی خبروں کے بعد بھی مسلسل میڈیا کی توجہ کا مرکز بنی ہوئی ہیں۔
متعلقہ عنوانات
الاسکا میں ڈیموکریٹس نے سینیٹ کی ایک اور نشست چھین لی، میری پیلٹولا کامیاب
18 November 2026
پاکستان اور چین کا قانون نافذ کرنے والے اداروں میں معاونت بڑھانے پر اتفاق
18 November 2026
بنگلہ دیش کے ساتھ اپنے تعلقات کو مزید مستحکم بنانے کیلئے پرعزم ہیں: اسحاق ڈار
18 November 2026
ایرانی فوج کی کویت میں امریکی پیٹریاٹ دفاعی نظام پر ڈرون حملوں کی تصدیق
18 November 2026
امریکی وزیر خارجہ نے ایران کے ڈرٹی بم حملے کی اطلاعات مسترد کر دیں
18 November 2026
اے سی سی ایشیا کپ رائزنگ سٹارز ٹرافی کی رونمائی کر دی گئی
18 November 2026
بچوں کے استحصال میں ملوث افراد کیلئے نیا ایکٹ لائیں گے: مریم نواز
18 November 2026
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026