خیبر پختونخوا ہاؤس میں ہنگامی اجلاس، صوبائی حقوق کے تحفظ کیلئے حکمتِ عملی
Web Desk
13 June 2026
اسلام آباد: خیبرپختونخوا کی حکمران جماعت کا ایک انتہائی اہم اور ہنگامی پارلیمانی پارٹی اجلاس پختونخوا ہاؤس اسلام آباد میں وزیراعلیٰ کی زیرِ صدارت رات گئے تک جاری رہا۔ اجلاس میں صوبے کے آئینی، سیاسی اور مالیاتی حقوق کے تحفظ کے لیے وفاقی حکومت کے خلاف ہر محاذ پر آخری حد تک جانے کے پختہ عزم کا اعادہ کیا گیا ہے۔
اجلاس میں وفاق کے معاشی اقدامات کا قانونی مقابلہ کرنے کے لیے ایک ہائی پاور کمیٹی بنانے کا فیصلہ کیا گیا ہے پارلیمانی پارٹی نے بجٹ سے متعلق تمام آئینی و شرعی باریکیوں کے جائزے کے لیے ماہرینِ قانون پر مشتمل ایک خصوصی ٹیم تشکیل دے دی ہے۔یہ فیصلہ کیا گیا ہے کہ اگر وفاقی انتظامیہ کی جانب سے بانی پی ٹی آئی سے ملاقات کی اجازت نہ دی گئی، تو یہ قانونی ٹیم صوبائی بجٹ اور وفاق کے اقدامات کے خلاف تمام ممکنہ قانونی راستوں اور عدالتی چارہ جوئی کا لائحہ عمل تیار کرے گی۔ اجلاس میں واشگاف الفاظ میں مؤقف اپنایا گیا کہ خیبرپختونخوا کے ترقیاتی فنڈز میں کسی بھی قسم کی وفاقی کٹوتی بانی پی ٹی آئی کی براہِ راست مشاورت اور منظوری کے بغیر کسی صورت قبول نہیں کی جائے گی۔
اجلاس سے خطاب کرتے ہوئے وزیراعلیٰ سہیل آفریدی نے صوبے کے آئندہ مالی سال کے بجٹ اور معاشی اہداف کے حوالے سے ایک بڑے انتظامی فیصلے کا اعلان کیا: “وزیراعظم اور وفاق کے معاشی دباؤ کے متبادل کے طور پر وزیراعلیٰ سہیل آفریدی نے واضح کیا کہ سال 27-2026ء خیبرپختونخوا میں امن، ترقی اور عوامی خوشحالی کا سال ہوگا۔ تمام تر بیرونی و وفاقی رکاوٹوں کے باوجود صوبے کو ترقی کی شاہراہ پر گامزن کیا جائے گا۔ انہوں نے بڑا اعلان کرتے ہوئے کہا کہ صوبے کی مخدوش ترقیاتی ضروریات اور عوامی مفادات کو سامنے رکھتے ہوئے نئے مالی سال کے بجٹ کو ‘سرپلس بجٹ’ (بچت کا بجٹ) نہیں رکھا جائے گا، بلکہ ضرورت پڑنے پر خسارے کا بجٹ پیش کر کے عوام پر پیسہ لگایا جائے گا”۔
متعلقہ عنوانات
پنجاب کے سرکاری سکولوں کے اساتذہ کے لیے نیا ڈریس کوڈ جاری
18 November 2026
الاسکا میں ڈیموکریٹس نے سینیٹ کی ایک اور نشست چھین لی، میری پیلٹولا کامیاب
18 November 2026
پاکستان اور چین کا قانون نافذ کرنے والے اداروں میں معاونت بڑھانے پر اتفاق
18 November 2026
بنگلہ دیش کے ساتھ اپنے تعلقات کو مزید مستحکم بنانے کیلئے پرعزم ہیں: اسحاق ڈار
18 November 2026
ایرانی فوج کی کویت میں امریکی پیٹریاٹ دفاعی نظام پر ڈرون حملوں کی تصدیق
18 November 2026
امریکی وزیر خارجہ نے ایران کے ڈرٹی بم حملے کی اطلاعات مسترد کر دیں
18 November 2026
اے سی سی ایشیا کپ رائزنگ سٹارز ٹرافی کی رونمائی کر دی گئی
18 November 2026
بچوں کے استحصال میں ملوث افراد کیلئے نیا ایکٹ لائیں گے: مریم نواز
18 November 2026