LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس مریم نواز نے سی ایم سولر پینل سکیم فیز ٹو کی منظوری دے دی شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ عدالت کا 15 روز میں نادرا ای بیلٹنگ کا عمل مکمل کرنے کا حکم ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد پاکستان آسیان کےساتھ تجارت سمیت مختلف شعبوں میں تعاون کا خواہاں ہے: اسحاق ڈار نظام کی اصلاح اور قومی فیصلوں کا اختیار عوام کا ہے: طارق فضل چوہدری سندھ کے شہری علاقوں کے عوام غلام نہیں: خالد مقبول صدیقی حسینہ واجد کی واپسی کے اعلان پر بنگلہ دیش میں ہنگامے، نیم فوجی اہلکار تعینات راولاکوٹ: مسلح حملے میں شہید ڈپٹی سپرنٹنڈنٹ رینجرز کی نمازِ جنازہ ادا معاون خصوصی وزیر اعلیٰ ثانیہ عاشق کا آٹزم سکول گوجرانوالہ کا دورہ میرے بھتیجے کو ناحق 60 سال سزا دی گئی، مہربانی کی جائے: شیخ رشید خیبرپختونخوا میں سکیورٹی فورسز کی کارروائیاں، فتنہ الخوارج کے 22 دہشتگرد ہلاک حوثی ملیشیا کا ریاض پر میزائل حملہ، سعودی اتحاد نے نقصان کی تصدیق کردی

پاکستان خطے میں امن و استحکام کے لیے اپنا مثبت کردار جاری رکھے گا، رانا ثناء اللہ

Web Desk

10 June 2026

اسلام آباد: مشیرِ وزیرِ اعظم اور سابق وفاقی وزیر رانا ثناء اللہ سے امریکی سفارت خانے کے وزیر مشیر برائے سیاسی امور ٹیری سٹیئرز گونزالیز نے ایک اہم ملاقات کی، جس میں پاک۔امریکہ دوطرفہ تعلقات، علاقائی سیکیورٹی کی صورتحال اور باہمی دلچسپی کے دیگر امور پر تفصیلی تبادلہ خیال کیا گیا۔ ملاقات کے دوران امریکی نمائندے نے خطے میں امن و استحکام کے قیام کے لیے پاکستان کے مثبت اور متحرک سفارتی کردار کی تعریف کی، خصوصاً امریکہ اور ایران کے درمیان مذاکرات کے فروغ اور کشیدگی کم کرنے کے لیے پاکستان کی مخلصانہ کوششوں کو زبردست الفاظ میں سراہا۔ ان کا کہنا تھا کہ علاقائی امن کے لیے پاکستان کا کردار انتہائی اہم اور قابلِ قدر ہے۔

اس موقع پر رانا ثناء اللہ نے پاکستان کے اصولی موقف کو دہراتے ہوئے کہا کہ اسلام آباد نے ہمیشہ تنازعات کے حل کے لیے جنگ کے بجائے مذاکرات اور سفارت کاری کو ترجیح دی ہے۔ انہوں نے واضح کیا کہ پاک۔امریکہ تعلقات کا استحکام نہ صرف دونوں ممالک بلکہ پورے خطے میں امن، ترقی اور خوشحالی کو فروغ دینے کے لیے ناگزیر ہے۔ رانا ثناء اللہ کا مزید کہنا تھا کہ خطے کے روشن اور پرامن مستقبل کے لیے دونوں ممالک کے درمیان مضبوط اور پائیدار شراکت داری کلیدی حیثیت رکھتی ہے اور پاکستان علاقائی استحکام کے لیے اپنا مثبت کردار مستقل جاری رکھے گا۔ ملاقات کے اختتام پر دونوں رہنماؤں نے پاک۔امریکہ اعلیٰ سطحی روابط کو مزید مضبوط بنانے کی اہمیت پر زور دیا۔