قومی اسمبلی اور سینیٹ کے اجلاس آج شام طلب، نوٹیفکیشن جاری

اسلام آباد: قومی اسمبلی اور سینیٹ کے اجلاس آج شام طلب کر لیے گئے ہیں، جن کے باقاعدہ نوٹیفکیشن بھی جاری کر دیے گئے ہیں۔

جاری کردہ نوٹیفکیشن کے مطابق قومی اسمبلی کا اجلاس آج شام 5 بجے پارلیمنٹ ہاؤس اسلام آباد میں منعقد ہوگا، جس میں اہم قومی اور قانون سازی سے متعلق امور زیر غور آنے کا امکان ہے۔

دوسری جانب سینیٹ کا اجلاس بھی آج شام 4 بجے طلب کیا گیا ہے، جس کے دوران ایوان بالا میں مختلف عوامی اور قومی اہمیت کے معاملات پر بحث متوقع ہے۔

پارلیمانی ذرائع کے مطابق دونوں ایوانوں کے اجلاسوں میں حکومتی اور اپوزیشن ارکان کی شرکت متوقع ہے جبکہ آئندہ مالی سال کے بجٹ سمیت اہم امور پر بھی مشاورت کی جا سکتی ہے۔