لاہورکے شہری کے نام پر 421 گاڑیوں کی رجسٹریشن کا انکشاف

لاہور کے ایک شہری کے نام پر 421 گاڑیوں، رکشوں اور موٹر سائیکلوں کی رجسٹریشن کا انکشاف ہوا ہے۔

ترجمان ٹریفک پولیس کے مطابق شہری باز محمد کے نام پر مجموعی طور پر 421 گاڑیاں، رکشے اور موٹر سائیکلیں رجسٹرڈ ہیں۔ یہ انکشاف جنرل ہولڈ اپ کے دوران سامنے آیا۔

ترجمان نے بتایا کہ مذکورہ شہری کے نام پر 20 لاکھ 88 ہزار 800 روپے سے زائد کے 1526 ای چالان واجب الادا ہیں۔

مزید بتایا گیا ہے کہ شہری باز محمد کی موٹر سائیکل تھانہ مسلم ٹاؤن میں بند کر دی گئی ہے۔